影片
更多
2017-08-25
258 浏览
香港可以食到火焰雪山嘅地方真系唔多，今次竟然俾我发掘到一间食火焰雪山嘅好地方，仲要喺尖沙咀北京道，地点好方便，就系太子集团中心6楼嘅 SHINE! 又平又正又重料!实在太正，所以要介绍左甜品先，一定要留定肚食呢个呀~~呢座火山 - 冧酒火山$108，一出场就成为全场焦点！好巨型，有我个头咁大。一上枱，店员就会为呢座雪山淋上冧酒后随即点火，蓝色火焰，非常吸睛，巧靓呀。因为冧酒份量唔多，只有山顶部份微微烧焦。打蛋白霜打得绵滑企身，虽然冧酒已经蒸发左啲，但出顶位冧酒嘅味道仍然浓烈，渗入晒蛋白霜之间，而我就更爱山脚的味道，简单又不带一点甜味。打开雪山后，会见到一层海绵蛋糕嘅饼底，上面就有云呢拿同朱古力雪糕，一入口就知，系Mövenpick嚟架。云呢拿入面有一点点云呢拿籽，云呢拿味系特别香口，并非一般云呢拿香油。入面仲有新鲜士多啤梨、蓝莓、红桑子添食食吓俾我发掘到两粒泡芙，入面又系香滑雪糕。继续食又有两粒马卡龙，真系惊喜无限。一球Mövenpick雪糕都要几十蚊，仲要有两球，成个雪山又冧酒、又厚厚蛋白霜、又海绵蛋糕、又泡芙马卡龙、又鲜果，咁巨型又好食，甜蜜又满足又好玩(好似雪山揾到宝藏咁)都只系
呢座火山 - 冧酒火山$108，一出场就成为全场焦点！好巨型，有我个头咁大。
一上枱，店员就会为呢座雪山淋上冧酒后随即点火，蓝色火焰，非常吸睛，巧靓呀。
冧酒火山
$108
23 浏览
0 赞好
0 留言
打蛋白霜打得绵滑企身，虽然冧酒已经蒸发左啲，但出顶位冧酒嘅味道仍然浓烈，渗入晒蛋白霜之间，而我就更爱山脚的味道，简单又不带一点甜味。打开雪山后，会见到一层海绵蛋糕嘅饼底，上面就有云呢拿同朱古力雪糕，一入口就知，系Mövenpick嚟架。云呢拿入面有一点点云呢拿籽，云呢拿味系特别香口，并非一般云呢拿香油。入面仲有新鲜士多啤梨、蓝莓、红桑子添
食食吓俾我发掘到两粒泡芙，入面又系香滑雪糕。
继续食又有两粒马卡龙，真系惊喜无限。
一球Mövenpick雪糕都要几十蚊，仲要有两球，成个雪山又冧酒、又厚厚蛋白霜、又海绵蛋糕、又泡芙马卡龙、又鲜果，咁巨型又好食，甜蜜又满足又好玩(好似雪山揾到宝藏咁)都只系$108，绝对系必点之选。
讲完甜品返去第一道菜讲起，龙虾汤$88，浓稠而味浓，龙虾味好香。
入面有一件龙虾肉，爽口弹牙。但份量唔系太多。
手工猪肉丸子伴温泉蛋$78，以铁板上枱，睇见时有点吃惊，每粒都好似网球咁大。
外层炸至脆囗金黄，切开后内里满满猪肉，仲见到一丝丝猪肉，肉汁仍然保存，口感出奇地系嫩滑，肉味香浓，又有一点高级午餐肉嘅味道。
温泉蛋一戳开蛋汁流出，用嚟蘸沙律或肉丸都好适合。
海鲜墨汁意大利饭$188，罕见地𩠌仲多过饭，啲材料系密铺成个意大利饭表面，好夸张。
大虾、青口、虾仁、鱼柳、鱿鱼……虾仁系极鲜爽
仲有好大粒带子，材料真系非常丰富。
黑麻麻嘅墨汁意大利饭，味道调得浓而鲜，一边食一边笑，见到朋友啲牙同个嘴都好黑，食呢个千祈唔好讲野。
烧安格斯肉眼扒配红酒烧汁$308，牛扒够晒大份，足十安士。
好大份薯蓉，薯蓉入面系有一粒粒薯仔，特别有口感。 烤串串茄、同粉粉地又几好食嘅烧蒜头。
虽然牛味唔错，肉汁多，但系入口有啲韧，仲要其中两成都系全肥膏，有啲失望。
餐厅有吧台又有梳化位，一边光线充足，感觉热闹啲，啱一大班朋友gathering。另一边就迷幻灯光，适合三五知己饮返两杯吹吓水。呢度除咗开头讲𠮶个火焰雪山多食客点之外，另外一个玫瑰苹果金宝都几多人叫，用干冰点缀成个甜品都好梦幻。今次我哋得两个人，胆粗粗挑战冧酒雪山，但又食唔晒，有啲浪费，下次要留定肚或者叫一班friend嚟食晒咁多款甜品先得~
张贴
