大滾友火鍋

营业中

休息中

好耐有打过高质边炉，呢排开始冻就想黎滚一滚，入到黎一坐底就闻到好香嘅椰子味，原来系而家新出左个椰子鸡蕃薯蚬浓汤锅，但母亲大人琴日先煲完鸡汤，所以今次就唔简鸡汤住啦，留返下次有机会先。今次简冬瓜瑶柱锅，锅中间有大大个冬瓜，而冬瓜上面有素翅，鸡肉、虾、蟹柳等。煲到咁上下嘅时候店员就会过黎帮手将冬瓜切开，之后就可以开始打边炉啦。冬瓜令到汤底鲜味提升， 清甜美味，不油腻， 感觉好健康， 用来做火锅汤底认真一流手打蟹子鲜虾丸好弹牙，虾味够浓郁。手打蟹子墨鱼丸一样好弹牙，但唔同在中间会有墨鱼粒令质感更丰富。日本稻庭乌冬用黎吸收个汤嘅精华一流，煮完之后嘅乌冬劲好食，所以之后再encore 一次乌冬食。山水滑豆腐用左百福嘅滑豆腐，食落真系好滑。黑松露蟹肉饺黒松露味好浓，咬开见到一丝丝嘅蟹肉，正。紫菜腐皮卷炸得好香脆，就算煮完之后都唔会淋晒，keep 得到酥脆。