影片
更多
2025-01-25
0 浏览
近排天气冻，所以同朋友拣咗间川菜食酸菜鱼暖下胃。发现旺角有呢间川菜店，环境都几好就试吓🌶️金汤酸菜桂花鱼呢道主菜色泽鲜艳，汤底金黄透亮，啲鱼全部都好滑嫩，睇到都流晒口水。我哋拣咗食桂花鱼，因为桂花鱼鱼肉鲜嫩啲，啖啖肉，而且啲骨都好大条唔会惊哽亲。食落每一啖都能感受到鱼肉嘅鲜美同酸菜嘅爽口，非常开胃。酸菜鱼配菜我哋拣咗肥牛、娃娃菜同大豆芽菜，每一种配料都为整体增添咗唔同层次感，衬埋个汤底真系好好味。肥牛唔系平时打边炉𠮶种好薄嘅肥牛，都几厚肉。娃娃菜同大豆芽菜衬埋啲酸菜，味道同口感都啱啱好。果然系呢度台台都嗌嘅一道菜。🌶️清炒莴笋丝呢道小菜睇似简单，但其实系我最期待嘅一道。因为其实整莴笋丝系要花好多功夫，莴笋丝快炒之后都保持到原有嘅新鲜同脆嫩，我同朋友都好快清晒成碟。厨师用心调味，完全唔油腻，非常适合搭配啲重口味主菜。我觉得呢道素菜喺繁重肉类之中，可以加翻啲清爽感，真系好正！🌶️脆皮牛奶卷呢道菜一出嚟就已经吸引到我，金黄酥脆嘅外皮真系好靓。外皮炸到啱啱好，入面就系柔滑嘅牛奶馅，口感对比真系令人惊喜！呢个牛奶卷唔单止好睇，食落去更加一口接一口，三旧真系唔系好够，好想嗌多啲。呢道菜真系好适合开胃小食
发现旺角有呢间川菜店，环境都几好就试吓
🌶️金汤酸菜桂花鱼
呢道主菜色泽鲜艳，汤底金黄透亮，啲鱼全部都好滑嫩，睇到都流晒口水。我哋拣咗食桂花鱼，因为桂花鱼鱼肉鲜嫩啲，啖啖肉，而且啲骨都好大条唔会惊哽亲。食落每一啖都能感受到鱼肉嘅鲜美同酸菜嘅爽口，非常开胃。
酸菜鱼配菜我哋拣咗肥牛、娃娃菜同大豆芽菜，每一种配料都为整体增添咗唔同层次感，衬埋个汤底真系好好味。
肥牛唔系平时打边炉𠮶种好薄嘅肥牛，都几厚肉。娃娃菜同大豆芽菜衬埋啲酸菜，味道同口感都啱啱好。果然系呢度台台都嗌嘅一道菜。
🌶️清炒莴笋丝
呢道小菜睇似简单，但其实系我最期待嘅一道。
因为其实整莴笋丝系要花好多功夫，莴笋丝快炒之后都保持到原有嘅新鲜同脆嫩，我同朋友都好快清晒成碟。
厨师用心调味，完全唔油腻，非常适合搭配啲重口味主菜。
我觉得呢道素菜喺繁重肉类之中，可以加翻啲清爽感，真系好正！
🌶️脆皮牛奶卷
呢道菜一出嚟就已经吸引到我，金黄酥脆嘅外皮真系好靓。
外皮炸到啱啱好，入面就系柔滑嘅牛奶馅，口感对比真系令人惊喜！呢个牛奶卷唔单止好睇，食落去更加一口接一口，三旧真系唔系好够，好想嗌多啲。
呢道菜真系好适合开胃小食
最后我同朋友一人嗌咗一杯嘢饮，
包括冻柠茶，同埋冻奶茶。
不得不提嘅系呢度仲有啲免费小食可以食，包括手拍青瓜。
环境又坐得舒服，下次会再同朋友嚟！
张贴
