LAB EAT Restaurant & Bar (金巴利道)

营业中

休息中

又到圣诞，又到圣诞！一年容易又圣诞，记得上年今日去咗旅行无喺香港度过。今年就约埋朋友食返餐好。呢度之前食过，质素唔错所以再ＥＮＣＯＲＥ。前菜先食个海胆蒜容多士，脆口多士配上鲜甜多士真系无得弹，大大片嘅海胆质幼滑，咬落奶香甜味徘徊系口腔中十分滋味。烟熏法国鹌鹑脾配柠檬蒜盐。估唔到鹌鹑脾都几大只，食落干身又啖啖肉。烟熏后风味十足，再配上些许柠檬盐减低油脂味道，令到入口肉味更突出。前菜过后，黎个龙虾汤转换口味。龙虾汤非常浓郁，入口咸香又鲜味。可惜系熬煮得过咗少少火，有啲啲焦味同有少量虾壳，否则就真系完美唞，哈哈。意大利西西里岛蕃茄酱意粉。意粉配上熟成蕃茄及即磨芝士，即时令味道层次变得丰富。意粉质地啱好有咬口之中点香甜，简单嘅配搭令平凡意粉变得清爽，一洗羊鞍嘅油腻感，好味。炭烧澳洲自然放牧BB羊鞍。羊鞍入口一啲都唔膻，肉质五成熟咬落啱啱好又唔韧。少少嘅芥末带出些许辣味，再配埋红酒令肉味更香甜。最后系抺茶芝士饼，软硬适中又唔太甜。作为饭后甜品删刚刚好。配餐两杯KESSLER RIESLING同埋 MARQUES DE RISCAL，味道清爽带花香，无论羊肉还是意粉鹌鹑脾都十分配搭。必点。