豚道樂 (百合苑商場) (已結業)

今日天气突然转冷，食一碗热热拉面就最适合不过! 去到黄埔豚道乐，光猛嘅装修加上舒适嘅环境，真系会令人食欲大增。餐牌上嘅选择非常之多，而我就选择左最贵嘅一款，松叶蟹海老蕃茄汤拉面，蕃茄汤底非常浓郁，味道清新鲜甜，而松叶蟹肉嘅份量都几多，一啖汤底再品尝啖啖蟹肉，够晒满足!此外，我地仲选择几款小食，日式煎饺子煎得外皮金黄香脆，馅料丰富所以肉汁丰盛，食完一定有饱足感觉。而炸墨鱼嘴同软壳蟹亦唔系间间餐厅都有得供应，呢度炸得够晒香口，墨鱼嘴弹牙爽口嘅感觉，真系好容易食多几粒。最后有来自日本嘅饮料，果味浓郁而可以解渴之余，卖相仲相当得意添。