火鍋薈 (已結業)

临新新年洗大左, 提早到粮尾, 好死唔死又约左fd 食饭, 放工喺深水埗揾有咩平野食果阵, 无意中比我发现呢间火㶽荟, 呢间打边炉158 任饮任食, 加埋一连二百蚊都唔洗, 我地谂都唔洗谂就冲左入去打边炉 入到去, 雪柜有大量韩式野饮, 又有解茶, 仲有自制嘅洛神花茶比你拣, 再睇下张火㶽纸, 虽然野食对比起其他任食火㶽店算系少, 但我觉得呢个价位绝对系有诚意 我地今次点左个猪骨汤底, 仲点左唔少野食, 一定一定要推介呢个南瓜流心丸,佢唔系甜味,有d 蟹籽丸嘅味,值得一试, 手打虾丸同墨鱼滑,两样野都超级弹牙,最紧要系虾丸有虾味,墨鱼滑有墨鱼味, 同埋鲩鱼片, 同样都系新鲜有鱼味兼有口感 食完要再一次强调, 佢虽然系平, 但绝对系一间有诚意嘅火㶽店, 因为食得出d 野系新鲜, 仲要好味, 同埋d 侍应个个都好好服务态度, 平时果d 食店个个都十叫九唔应 大家今晚食完都好满足, 真系平得黎超级抵食, 下次都一定会再去