火鍋薈 (已結業)

前幾天收工吾想去太遠，見到依間Comment ok，又吾太貴，所以試下。我地6pm到因為7:30前離開平$20。入面得兩枱客，我地2人坐左4人沙發位，對住2個電視。叫左醉雞煱，雞既份量超多，冇乜醉雞湯味，豉油很明顯加了很多水，淡而無味，D辣椒切得超大粒，連頭都切堆落去？!!佢地放左架車仔係枱同枱中間放野食，所以每次出入都要推來推去😑叫D丸類2個人比得2粒🤣🤣切片肉類4片"痴"堆一大片，一定係新鮮喺冰箱攞出黎..野食都係一般平價火鍋既食材，汽水任飲但啤酒要收費，最開心係食到香港消失已久既芝麻雪糕，係全餐飯既唯一亮點，其他soso.試一次就夠。

食物一般，推介滑鮮牛，好入味，其他食物味道沒有特別突出，海鮮有兩款魚腩，有北寄貝，中型size。唯獨皇帝菜一早賣清,所以叫了菠菜西洋菜，娃娃菜等。飲品叫了冬瓜茶，芒果汁等。最後食返支溜蓮雪條，坐足80分鐘，飽晒。

今日我哋帶埋兩個囝去深水埗買完電腦配件，念住凍凍地，緊係打邊爐最岩喇! 見到西九龍對面 有間任食打邊爐，一於上去試下!一上到去就叫我大仔度高，點知我囝剛過了130cm， 但係老闆話，算啦! 今次當小童價啦! 可能我地算早(5：30pm) 所以冇咩人，跟住我哋就揀野食同選湯底， 選擇唔係好多，心念會否中伏呢？ 後來我哋揀咗牛肉(超林)，肥牛(比平時食開既厚，但一般)，牛展鱔片(冇咩細骨)蟹粉丸， 第一次食( 有啲蟹肉 芥辣 流心餡)墨魚丸反而好食過墨魚滑芝士菜肉餃(皮好厚，可以不吃) 反而鮮蝦雲吞都ok這裏飲品款式不算多， 原本好想黎試下食評所講嘅 本地製作既雪糕， 點知只有雀巢雪糕有啲失望這裏員工不多 應該 家庭式經營， 但係上食物速度快我哋七點幾走嘅時候 ，門口已大排長龍， 所以唔想等位，就早D去食比較好價錢都唔貴，成人$158。小童$98

在沒有訂枱的情況下等了大概20分鐘才可以入座 簡單看了菜單有很多嘢可以選擇 你有兩個冰箱 飲品任飲 叫了第一輪候發現肉類和遠淚味湯底更快上枱令人驚喜嘅係雖然有花膠可以飲食呢一個價位可以食到任食花膠及任飲飲品已經係非常吸引味道方便肉類就一般丸類亦一般，但係手打魚滑和蝦滑令人感到驚喜份量足夠味道亦一流，當魚滑和蝦滑吸收湯底的滋味後令到味道更上一層樓望一望環境一下，除咗冇酒精飲品可以任飲外亦提供多款啤酒可以選擇一個，另外加錢，價錢亦相當合宜總括而言十分方面我會給予九分 相信我會再嚟嘅!

個日開完會，成班人決定一齊去打邊爐，咁成個ssp得呢一間有得仼食，但仼食黎講都唔算貴，買單都係170幾蚊，以啲料黎講係好抵食！一定要讚個響鈴 唔知佢係咪人手自己炸，但一定唔係平時百佳買一盒盒個啲，大舊同厚身啲，覺得幾正，平時真係食得多會覺得好熱氣，但呢個又唔會，好中意。另外就係個鵝腸，我同隔離個個叫左三次，每次5 6份咁叫，因為真係好好食，好滑！其他整體都唔錯，選擇真心多，雪糕嘢飲都好多選擇，性價比我俾8分！

咁岩同朋友係深水埗睇樓行到夜左...大家都話想打邊爐..一行出西九龍廣場抬高頭就見到呢間火鍋店..大家都見累...二話不說就話去呢間...上到去見環境都唔錯...問返當區人先知原來上一手係韓國燒烤...所以裝修先會係咁...6點半上到去都見到有一半滿....估佢都應該唔錯掛....開始叫野之後發現.....全部野都係急凍....正常...但凍到連雪都未溶就....所有材料整體上唔難食..同平時任食火鍋的質素差唔多..不過都有驚喜位既....先講喜..就係打開飲品櫃竟然見到有氣利賓納!!!呢樣真係比例小見的...但同時...佢係有加多寶可樂的.....仲放係一堆正常可樂中間..所以大家要小心唔好拿錯....但伏位就黎喇...佢湯底要加湯呢...就一開始已經放曬係你台面...但我一拿起...有燶味既...咁就問返的侍應喇....侍應姐姐一句..係咁嫁喇...就走左....然後成晚就要開始食燶味邊爐...SIGN.....最後都算喇..因為見佢有榴槤雪條任食...仲幾好食添!!

.深水埗2小時火鍋任食 $158. 原來以前西九對面間明將轉左做火鍋店，以前返中學時期都有段時間會嚟食，嗰陣零用錢又唔多，有剩都去拍拖睇戲，邊會對自己個肚皮咁好啊。.本以為$158任食呢個價都有啲貴，但係食物種類亦算多，而且肉類無雪味。今次有少少傷風，揀左個普通豬骨湯，諗住咪又係求其一煲湯，點知入面有兩大舊豬骨，阿媽教落連骨嘅肉係最好味，果然真係，估唔到$158都有真湯底，除此之外，仲有本土gelato雪糕食，最特別係有生姜味雪糕，幾得意啊。.火鍋薈 (深水埗)深水埗欽洲街58號米蘭軒地下及1樓.

去到深水埗 其實好難唔去西九龍間foodcourt食野 而尋日 想食打邊爐 見到呢間放題都幾平 而且網上評語都好好 咁就去試下啦雖然個門面唔係幾吸引 個banner都係 但上到去 感覺就唔同晒 個裝修幾好 而且室內溫度都ok 最緊要 個老細 同員工都好nice 我地坐低 叫左個醉雞湯底 平時果啲 啲雞係熟晒 而呢間就唔係 俾個湯你 煲滾左先 而啲雞係生既 佢用另一隻碟裝住 咁你想落幾多就落幾多 啲雞好滑 好味 我地叫完野食 😂😂呢間鋪頭真係好豪爽 我地兩個人 咩都畫一 但佢俾既份量係好多 😂😂😂 真幸好 我地寫一份咋 Overall 啲野好好味 同埋佢地擺盤 又好整齊 值得一讚 佢地個自家製響鈴 好大件 又好味 仲有個本地製既雪糕都好好味呀 大家可以試下😋😋😋

食寫評 容許我批評下openrice 個app， 我連續好幾次寫既食評都無左! 希望openrice可以認真改善!好講返間餐廳先，身為深水埗地頭既我，有邊間餐廳未食過....講笑啫。對於呢間店，我好有印象佢前身係韓國野，再前身就係大名鼎鼎既明將lol 係深水埗要生存唔易，一定要平靚正先得。果日約左2個大食鬼食野，我就梗係選放題啦，正好經過，見到價錢合理，就試下運氣啦。食物種類都幾多下，特別係海鮮類，可惜我地4條友眼闊肚窄都食唔到咁多野，惟有選d出面無咩食到或者自己鐘意食既就算啦選湯底前我就上openrice 睇下食評，見大家推介醉雞花膠我就梗係選呢個! 果然好有酒香味，而且呀姐好細心咁教我地落左雞再落花膠。係果湯煲滾前我地就去醬料區，選擇唔算多，不過基本野一定有既!野食好快都上，我最愛食既脆魚片同埋比較任食少有既鱔魚片，前者爽脆後者新鮮，成碟我食晒，唔知係唔係果排成日做運動，所以連食量也變驚人!另外必食既一定係墨魚滑蝦膠，鮮甜彈牙! 至於肉類呢，我覺得肥牛比較肥，所以試到，手切牛肉就不過不失。可能我自己本身都唔太愛打邊爐食肉lol好啦 好野留最後，我至至至至推介就係佢既雪糕，竟然係有薑

同友人去深水埗睇電腦，行咗2個幾鐘，腳很累肚子也很餓，剛好路過火鍋薈，於是上網搜搜它的評價。看到評價不錯，於是決定就這間。這裡是吃火鍋自助晚餐，每位＄158任吃任飲，還包雪糕任吃👍🏻叫了雞煲做煲底，雞煲上放了很多洋蔥，芫荽和姜，香氣十足，非常野味！手打蝦丸，手打墨魚丸夠彈牙😋鮮味十足！我們還叫了肥牛，海蝦，脆鯇魚腩，膳片，牛柏葉和海帶。海蝦和脆鯇魚腩很值得讚，新鮮爽口。因為怕肥，雖然是任叫任食，但不敢叫太多肉類反而叫了很多蔬菜。這裡的蔬菜都洗得很乾淨，而且非常之新鮮，大可以放心食用。下次來深水埗一定再幫襯。

约了朋友在深水步聚会，朋友推荐火锅会，说是新开没多久的新店，食品新鲜又抵食，于是就试试。这里是自助形式，大人$158，小孩$98。价钱还包阔任喝汽水和任食雪糕。火煱店是在一樓，沿樓梯上去，一陣陣超香的雞煲味迎面飄來，肚子馬上咕咕響。店家提供不同鍋底，有香西皮蛋鍋，豬骨鍋，番茄薯仔鍋，花膠醉雞鍋，天麻魚頭鍋，還有香氣十足的鷄煲。雞煲內放入大量的紅蔥頭，洋蔥和芫荽香氣十足好味道。食完雞煲，店員貼心地幫我們加湯繼續打邊爐。雖然是自助火鍋，但這兒的火鍋料新鮮十足絕不馬虎。特別推薦這兒的生猛海蝦八仙片還有手打墨魚丸及手切牛肉。最後要讚的是這兒提供了店家自制的紫貝天葵飲品給食客任喝，在打邊爐的同時不再怕熱氣了！

琴晚因爲朋友介紹話呢間野好好食，好多好評，以為唔會出事喇，點知order啲野佢地都好似唔願比你咁，錢又收足你，啲野食又極度難食，個湯更加唔洗講，要個豬骨湯，點知豬骨味就食唔到喇，味精就重到呢，大家想打邊爐既我唔建議黎呢間度食，先唔講樓面喇，諗住去個洗手間姐，成地都係水，又冇人理，都唔知呢間係咩既鋪頭黎，仲有，佢啲冷氣又唔夠，啲態度又差到呢，簡直係貼錢買難受，其實琴晚食完都覺得谷鬼氣。。。。。。。。

為了幫兒子買電腦所以去了深水埗電腦行，行咗2個幾鐘，買了電腦和配件，腳也累了，肚子也餓了。剛好路過火鍋薈，在店門口聞到陣陣的香味，於是就進去。這裡是吃火鍋自助晚餐，每位＄158任吃任飲，還有雪糕做甜品也是任吃。叫了雞煲做煲底，雞煲上放了很多洋蔥，芫荽和姜，香氣十足，但雞肉欲比鞋，我只吃了一塊雞肉，但就吃了很久洋蔥。跟著在鍋中加上湯底，開始打邊爐。叫了手打蝦丸，手打墨魚丸夠彈牙還有手打牛丸也好吃😋。我們還叫了肥牛，海蝦，脆鯇魚腩，膳片，牛柏葉，鵝腸，爽肚和海帶。海蝦和脆鯇魚腩很新鮮鮮味，肥牛比較肥，不太喜歡，鵝腸很乾淨沒有臭味。整體表現都很好，下次會再來。

一入到呢間火鍋店已經聞到陣陣勁香既味~我地一行四人就緊係即刻坐低揀火鍋湯底啦~一睇先知原來佢地唔止得火鍋湯底揀，佢地仲有得比你揀雞煲，真係十個likes!!!! 👍 👍 👍但係呢我地個日有人唔係好舒服所以就揀左個好補既花膠醉雞湯底~個湯底一黎到已經聞到佢個陣勁勁勁勁爆既酒香味~ 之後就叫啲配料啦~ 大部分都好新鮮同好好味~我推介大家一定要試佢個響鈴!! 十級正! 😛 佢既響鈴絕對唔似一般街買個啲一浸就淋~ 而係浸多幾秒到你咬個下都仲外軟內脆，真心正!!同埋絕對絕對要試埋佢個墨魚滑同蝦滑~ 完全同百佳惠康買個啲完全唔同~!!! 真係超新鮮!!😎😎最後就係佢既甜品~ Gelato雪糕~ 勁多味可以揀，有藍莓啦，豆腐啦，士多啤梨啦，芝麻!! 任食唔嬲 > < > <

特式香港美食中火鍋是名列前茅今天和你就來到深水埗一聚任食火鍋是今天的主角服務員招呼不錯有笑容親切有禮不時會幫手調大調細電磁爐火力為了骨骼健康我們要了補鈣豬骨鍋內有大大舊豬骨極足料炙燒芝心丸內有爆裂流心芝士完全滿足我們兩個芝士控手切肥牛肥瘦適中賣相佳香菇貢丸是台灣風味是火鍋必點丸類之一炸響鈴卷也是必吃推薦份量大賣相討好最愛那徘徊在脆和軟之間的那種口感吊桶仔十分爽口彈牙鳳城水餃蝦肉足料蝦味濃郁脆鯇魚腩肉結實爽口不過吃的時候要當心魚骨有時地道風味更勝豪門夜宴