Quattro's Kitchen (已搬遷) 新店位置

星期一晚同老公去AEON超市扫货，扫货前系AEON一间西餐厅食晚饭先。菠菜蟹肉忌廉汤第一次饮菠菜汤，好重波菜味，加左蟹肉同忌廉令到个汤无草青味，几特别，唔错。龙虾汤入面有只虾，味道浓郁，好饮。餐包松软香甜，我钟意食。黑松露黑毛猪骨系新出品，黑松露味好香，黑毛猪骨炸到卜卜脆，好香口，美味可口。卡邦尼意粉烟肉、菇、洋葱既份量好多，亦十分creamy，每条意粉都挂到忌廉汁。扒纽西兰肉眼扒牛(10 oz)叫左五成熟，有牛味而且保持到肉汁，配菜有菠菜、薯仔、车厘茄。最后饮埋精选咖啡同意大利朱古力，两者都香浓幼滑。