泰海鮮 (已結業)

难得齐人一年一聚，特登入到屯门的三圣食海鲜我哋最enjoy食海鲜都可以一条龙，由买海鲜到烹调嘅方式都可以拣，食到最新鲜最靓嘅海鲜。今次再到关财记拣海鲜，拣咗奄仔蟹，花甲，大扇贝，仲有好少见嘅蝴蝶蚌。加上我哋最钟意嘅海鲜汤～大满足白酒忌廉煮花甲配乌冬鲜甜嘅花甲，加上鲜忌廉同弹牙乌冬，每啖都好正，不腻不滞。蒜蓉粉丝蒸大扇贝 见到咁靓嘅大扇贝，厚身嘅程度可以用「扇贝扒」嚟形容。用刀切开可以见到一丝丝肉。炸过嘅蒜蓉同爽口粉丝吸收咗海水的鲜味同扇贝嘅甜味，送饭一流，齿甲流香。盐油焗奄仔蟹简单的监油焗蟹已经可以带出蟹本身的鲜味，从中间分开一半，蟹身有好多膏，又要再添一碗饭！海鲜汤上次试过姐姐推介嘅海鲜汤令我地十分难忘，今日再试，仍然保持一贯嘅水准。鱼，加试濑尿虾，沙白蚬，还有蕃茄同薯仔调味，真心推介最值得一试嘅煮法。汤料又可以食，满足晒我地呢班海鲜精！油盐水蝴蝶蚌最后一味蝴蝶蚌，时令海鲜之一，爽口嘅肉质，用最简单嘅做法是最好味。