樂宴 (永光中心)

营业中

休息中

我都系第一次食冲绳菜,餐厅既服务员都系日本人,我用我识既少量日语尝试沟通, 叫佢比茶我地....点知... 原来系无免费茶水供应, 茶水系要order 既~有冲绳茶, 乌龙茶, 冲绳海洋深层水等等....我地每样叫一款试下....由于我地系坐房, 所以有个摇铃比我地用....冲绳茶 其实即系苦瓜茶, 唔苦, 只系甘甘地, 都唔错....冲绳海洋深层水就真系唔识饮.... 我觉得都系水啰!!应该都有益过香港d水....枝豆系人人有份, 永不乐空的前菜, 不过系要收费既....花生豆腐 推介!! 因为系其他日式餐厅极难揾到,所以必食!! 必试!! 因为豆腐好烟韧, 不过又好滑, 有少少花生香味!!半生熟吞拿鱼吞拿鱼非常新鲜, 配埋酸酸地既汁, 人间极品!!煎饺子皮薄馅靓, 煎到有D 脆口, 连煎饺子都做到咁有水准可想言之其他野食有几好味!!烧牛舌极之惹味香口, 齿𣍰留香, 送酒一流!!炸墨鱼脆酱极薄, 唔会一口粉咁, 食得出下左一轮苦功, 用大火迫番D 油出黎, 唔会食完之后成口油!!炸芝士外脆内软, 芝士香气四溢, 而且芝士可以拉出来... 钟意食芝士既朋友唔好错过!!