Cocolo Tokyo Cake Factory (形點 I) (已結業)

今日同朋友去咗元朗形点食晏，走嘅时候就顺便试一试呢一间cocolo Tokyo 嘅苹果批。一直都知道佢系日本过江龙，喺香港都有好多分店，今日终于有机会试一试店舖环境好简单干净，主打苹果批，亦都有其他甜品选择，咁梗系要试佢嘅主打苹果批，另外我再拣咗朱古力三角蛋糕。疫情关系，虽然舖头冇咩人，但都系屋企食比较安心，佢哋嘅外卖包装都几得意。因为食饱咗野先返屋企，所以都隔咗成四五个钟先再有空位食，苹果批一早就已经冻咗，但咬落去仍然好松脆！头先买咗个朱古力蛋糕，cream唔多，忌廉同海绵比例ok，平时食蛋糕怕忌廉好漏嘅人都可以试一试。埋单盛惠$63，我相信如果苹果批系热食一定会更加好味，有机会要再试一次佢新鲜出炉嘅苹果批。