Cocolo Tokyo Cake Factory (形點 I) (已結業)

每次係YOHO MALL行過都會聞到呢間嘅蘋果批好香！一直都好想試。今次買咗三款試吓。紙袋同紙盒包裝都超級靚，日本感滿滿！送禮一流！🍎青森蘋果批超級有層次，非常鬆化，味道香甜。蘋果粒粒幾有口感，不過略嫌蘋果份量不多。入面有吉士達cream，cream的份量反而比較多。🥐牛角酥就正常發揮，都好鬆化，亦都好香，但食完蘋果批就完全比下去了，哈哈！🍏第三款我以為係鹹批，結果其實都係蘋果批，不過佢唔係千層酥皮款。呢個被當然冇酥皮咁好食，但入面蘋果嘅份量會比較多。

食完lunch行過見到做緊「優惠限定」!!!!!!所有美食買一送一咁抵!即刻買咗幾件返屋企慢慢嘆!!!!!!🍎青森蘋果批外層鬆脆嘅酥皮配埋清甜嘅蘋果蓉甜而不膩👍🏻好好味!!!!!推介!!!!🍰和歌山杏桃蛋糕酸酸哋嘅杏桃中和咗蛋糕嘅甜🫶🏻味道剛剛好!!!!🍰白朱古力水果乾奶油蛋糕奶油好香滑而且每一啖都食到水果乾🥰正啊!!!!!!🍾木村信州蘋果汽水🍾柚子梳打汽水本身想試白桃果款架!可惜無晒貨

早前，行形點發現這間蘋果批店 <Cocolo Tokyo Cake Factory>！之前，跟兩位好姊妹去西貢，臨走，也要食番個蘋果批一起開心 share！ 又走去形點，原來就是這間！所以，我就算 Shopping，也不忘幫襯食番件蘋果批！這裡設有堂食Menu供應：酥類、批類、蛋糕、飲品...等！青森蘋果批 $35店子名物，不容錯過！ 日本直送青森蘋果，全人手製造！蘋果批多層質感，溫熱酥脆，酸甜的蘋果蓉清新不膩！ 巧妙地夾雜吉士醬，口味提升！法式菠菜酥 $23翻熱後，香氣洋溢， 酥脆可口的外層，菠菜餡也不少！抹茶鮮奶 $28/ 杯甘中帶甜，入口溫熱，香滑順喉！

有日係元朗食完dinner入yoho見到e間望落幾靚幾清新嘅甜品鋪，原本諗住坐低食，企4店員話就尼關門，所以唯有外賣因為好夜先去，可選擇嘅甜品款式唔多，店員同我推介左蘋果批。佢話蘋果批係佢地嘅signature,咁我就揀左蘋果批，另外要多件cheesecake!青森蘋果批雖然隔左一日先食，第二日焗番佢都唔差係喜出望外嘅蘋果批，平時出面買蘋果批多數都係蘋果蓉就算，e個係有蘋果粒係入面，食落甜甜地，而且層酥皮好酥脆，好香蘋果餡嘅份量一d都唔吝嗇食得太快嘅cheesecake，都尼唔切影相......聞落好香嘅cheesecake，食落cheese味都濃，但唔會好膩，質地比較結實，唔係半熟果種，不過都好吸引

好耐之前朋友請我食灣仔嘅cocolo，果時揀嘅時間選擇唔多，最後揀左蘋果批，食完覺得好鬼正，一直都好想食番，咁岩去元朗就見到有間cocolo，所以就encoure下，除左再食蘋果批之外，今次仲試左tiramisu青森蘋果批上次食已經覺得好出色，今次雖然係第二間到食，但都好掂，酥皮望落有好多層，咬落d碎唔會跌好多，酥皮味已經好香，入面嘅蘋果味食落幾清新，除左蘋果蓉仲食到粒粒蘋果，增加左個口感，雖然買到番屋企冇咁熱，但都好食的日本turamisu蛋糕平時出面嘅tiramisu多數用手指餅，e個係蛋糕底，味道同出面差唔多，不過略覺cream唔夠多，如果d cream可以多番少少就好不過揀嘅時候要睇清楚，一開始以為係朱古力蛋糕

每次經過呢間餅店都好想買佢的蘋果批一試, 但每次都冇咁做, 因為覺得佢太貴, 唔捨得食. 今日知道加左人工, 就決定試試佢, 買左一個蘋果批同蛋糕用晚餐.蘋果批蘋果批仲係暖暖地, 唔洗叮返熱嚟食, 酥皮十分鬆化, 而裏面真係用青森蘋果整出嚟, 每口都有啖啖的青森蘋果果肉, 係街外好少吃到咁好香的蘋果批. 同埋佢唔太甜, 一個字掂. 榛子摩卡蛋糕本身都唔知揀邊款蛋糕好, 但見佢有推薦的貼紙, 冇可能唔試下佢, 佢果然冇令我失望, 好香好香的mocha 味. mocha控要試試佢, 除左咖啡味外, 仲食到嚐到榛子味，甜而不膩，cream 身好滑, 蛋糕唔易散, 好吃!最後想提係呢間餅店比我的感覺係無論酥同蛋糕都唔太甜, 好啱減肥人士去食

青森蘋果批 $35Apple Pie好味指數 4/5 🍭🍭🍭🍭熔岩朱古力蛋糕 $42Fondant Chocolate Cake好味指數 4/5 🍭🍭🍭🍭榛子咖啡 $35Nocciolion好味指數 3/5 🍭🍭🍭{蘋果批外面既皮非常鬆脆 中間有很多一粒粒既蘋果粒和蘋果蓉 味道很香很甜 熔岩朱古力蛋糕 不會太甜或太苦 中間既熔岩係流心朱古力都做得好好 一開有很多朱古力醬流出 外面既蛋糕亦很香 榛子咖啡既榛子味較淡 咖啡味都不錯 不會因為溶冰而減淡味道｝

早兩天吃完午飯後，覺得意猶未盡，便在Yoho商場內尋找甜品。剛好看到這一家店，看見有不同種類的食物包括蘋果批、蛋糕及雪糕。當我走到櫃位時，店員立馬向我推薦蘋果批，說是新鮮出爐的，當然，新鮮出爐這四個字吸引了我，暖烘烘的蘋果批，咬下去的酥皮十分鬆化，蘋果帶一點酸，卻增加了我的意欲想完成整個蘋果批，最重要的是店家加了吉士，這點巧思豐富了整個蘋果批的味道。擁有甜品胃的我，當然不只叫了蘋果批，我也叫了梳乎厘芝士蛋糕。這蛋糕並不是海棉蛋糕哦！吃下去時就始梳乎厘般，在口內溶化，芝士的味道剛好，不會太突出，令剛剛吃飽午飯的我不會有「濟」的感覺。若你有機會光顧這間餅店時，以上兩款產品都是值得推介的。下一次我會想試試他的雪糕，看看是不是如糕點般做得這樣高質素。

自己好幾年無去過日本特登去Yoho mall 個熊本主題影下相點知俾我見到附近有日本直送既青森縣蘋果批青森縣蘋果出名就好多人都知不過我就未試過用青森縣蘋果做既蘋果批～現場問一問，原來係少量少量咁焗出黎，唔係一次過整大量再heat住佢。睇落去個個都漲卜卜，好酥脆咁！由於疫情關係，雖然入面有位坐，我就選擇外賣返屋企。咁岩見到有啲特色切餅蛋糕，即刻勾起以前去東京旅行，行到攰果陣，坐低係cafe食件蛋糕既回憶。日本汽水好多選擇～～最後揀咗純朱古力蛋糕～～真係要讚一讚個服務～係日式服務。未開聲要袋，見到我拎住嘢，就主動幫我包裝好，放埋入袋朱古力蛋糕，朱古力味好香濃，唔會死甜～海綿底好綿密～蘋果批勁香勁酥脆～食落去啲蘋果味好香好清甜～比起某啲餐廳落糖去撈蘋果蓉，簡直係兩回事～入面啲吉士忌廉岩岩好～微微既咸香，配落去蘋果香，唔怪之得係鎮店之寶！

記得之前同事請食散水餅, 佢買晒全部蘋果批, 我本身好憎食老麥的蘋果批, 因為覺得好甜, 本身一d 興趣都冇, 諗住唔食, 但同事講到一定要試, 包有意外驚喜, 試了一口, 覺得係用真蘋果整出嚟, 好好味, 所以呢, 今次無意中經過yoho 見有呢間嘢, 好記得佢個蘋果批, 所以就同老婆試下佢的其他口味.我地買左佢一個菠菜酥同一件朱古力蛋糕, 但由於晚飯太飽關係, 我地決定第二日至食.菠菜酥由於第二日至食的關係我地焗返熱佢，期間已經聞到好香的牛油味. 食落發現酥底好香脆，中間夾住忌廉菠菜, 好香, 正. 當早餐簡直一流.朱古力蛋糕雖然唔太大件, 但佢絕對好味過美x, 東xx 的大型餅店, 冇得同佢地比, 佢好重好重可可味, 糕身同忌廉都充满可可味, 蛋糕本身仲好鬆軟唔散, 每口都有可可味溶在口中, 好幸福的味道.此外佢個裝好靚, 細細盒, 見老婆拎住好開心呢.  

Always on your side Always in your life聽歌聽到我日唱夜唱，Where is My Apple PieBB啊，人哋要食蘋果批啊！！！🥰🥰青森蘋果批暖笠笠，真係好好味啊新鮮即焗既蘋果批，滿滿既蘋果蓉一啖咬落去即刻流晒啲餡出嚟蘋果批既外皮香脆可口啖啖甜甜酸酸既蘋果蓉真係停唔到口啊仲有芝士蛋糕芝士蛋糕口感柔軟順滑舌呢款芝士蛋糕口感輕盈，唔會太流芝士味啱啱好，口感濕潤下午茶一流Cocolo Tokyo Cake Factory

今日同朋友去左元朗行街，見到一間日本蛋糕店，勁香既香味。店入面最出名原來係蘋果批🍎超級香～～我哋買咗兩樣嘢，當然唔少得嘅係一個青森蘋果批🍏另一樣就買咗焙茶蛋糕🍰由於我同朋友都食到好飽，雖然可以坐喺店入邊食，但係我哋都選擇左買返屋企。蘋果批係日本青森縣直送，仲要由日本甜品大師手工製作，當然要試！😍返屋企用焗爐整返熱個蘋果批🍏🍏熱辣辣嘅吉士達奶油，成個蘋果批既皮都好酥脆，餡料甜度非常適中✨唔會過甜～咬落去仲會食到蘋果粒！好正🥰食完蘋果批，仲有焙茶蛋糕🤤蛋糕一樣唔會做到過甜～蛋糕上面嘅焙茶cream都好軟滑，蛋糕中間亦都有兩層cream，有層次感👍🏻呢間餅店喺旺角灣仔同埋西貢都有分店～大家經過嘅話絕對要買黎試🫶🏻

Cocolo Tokyo Cake Factory進駐咗Yoho Mall都有一段時間，成日都會俾佢嘅酥皮、牛油香味吸引左，醒起幾年前同朋友去西貢玩，食過一間主打青森縣直送嘅蘋果批店，再上網搵一搵，發現就係佢！店舖越做越大，選擇都越嚟越多，除咗舖頭招牌蘋果批之外，仲有好多唔同批類、蛋糕類產品🥧蘋果批($35)標榜青森縣直送，人手製造嘅蘋果批，賣相好靚，望到都流晒口水。佢最有特色係咬落去有好多層酥皮，做得到鬆脆嘅口感。而蘋果批嘅餡料就係切成粒狀嘅蘋果肉，用料絕對上乘，除咗蘋果粒之外，佢哋仲落咗Custard Cream，食到更加滿足！🍰梳乎厘芝士蛋糕 ($30)呢件梳乎厘芝士蛋糕，外型望落好吸引，咬落去係軟綿綿嘅口感，並帶有濃濃芝士香味。對比起一般芝士蛋糕，我覺得佢嘅口感更加鬆軟，我幾鍾意呢種口感😁😁值得一提嘅係，佢哋嘅外賣盒仔好精緻，送俾朋友都好合適🤩🤩🤩Cocolo嘅蘋果批唔使額外多講，估唔到今次試埋蛋糕水準都幾高，而且Yoho Mall位置好方便，日後絕對會繼續幫襯佢哋☺️☺️

Cocolo最近開咗好多間分店，咁啱入咗嚟元朗國就唔使出到灣仔或者旺角咁遠買嚟食啦。最開心係開係YOHO度，仲要有堂食位添，行街行到攰就可以入嚟食返件cake啦。店入邊除咗佢嘅王牌蘋果批之外仲有好多其他蛋糕款揀，飲品都有得叫㗎。另外店舖做緊推廣其他酥皮product!好抵買添！清森蘋果批黎得梗係要試吓呢個王牌清心蘋果批啦！每件焗好會放喺個暖櫃入邊，食嗰陣時熱辣辣！酥皮焗得好脆，外面勁酥！入邊個蘋果餡食到一粒粒新鮮嘅蘋果，好有咬口。清心蘋果真係同普通嘅蘋果係唔同啲嘅，有股獨特嘅清香，而且佢個內餡唔會做得好甜，食落唔膩！三層朱古力蛋糕就咁叫一件蘋果批好似有啲孤獨咁所以我就叫咗我至鍾意食嘅朱古力蛋糕。以朱古力蛋糕來講佢都係合格嘅奶油香甜濃郁又滑。下次我會買埋佢地嘅飲品！

之前食過灣仔果間Cocolo一直念念不忘🤤覺得佢地既批同蛋糕都好用心去整，保持新鮮同好好口感，不過灣仔分店就係外賣店，食起上黎就呢間仲舒服👍入到黎大西北玩的要食咗Cocolo開始美好的weekend，鋪頭就係形點1期，斜對面就係享樂烘培🥐令到果排商店門口都聞到淡淡既焗爐香氣🐂A5松板和牛肉批 | $48 上次係灣仔分店都冇見過呢款批，佢地好似真係一直會跟日本總店去update menu，一直求變既精神令食客更加可以大享口福😆剛好撞到呢款批既出爐時間，真係熱辣辣🔥由普通和牛肉升級成A5和牛，油脂肉香味濃咗，不過可能油份溢出咗d就令到個批冇咁脆🍫純朱古力蛋糕 | $30 朱古力忌廉同蛋糕梅花間竹咁疊住，入口相對比較甜，自然令腦內產生安多酚😋呢種快樂荷爾蒙提升身體能量和改善心情