潮薈館

营业中

休息中

行過幾次見到好熱鬧，一直未有機會試，今日專成同朋友聚舊來試試，真係幾正！店裏裝修古色古香，高質潮州菜平民價。凍馬友魚魚油好重，但完全唔會膩，鹽風乾嘅程度掌握得啱啱好。魚肉嫩滑鮮甜，食到停唔到口！ 家鄉咸雞（半隻）咸雞嘅咸香味正，唔會過鹹，醃製得好。雞肉嫩滑，連雞胸都唔會鞋口，少見！ 川椒炒牛肉牛肉味濃郁，炒得啱啱好唔韌。雖然叫川椒，但唔辣，反而配上炸紫菜，解咗油膩感，食落層次感好豐富，有驚喜！ 每道菜都感受到用心製作，食得出師傅嘅功夫，食過返尋味。