影片
更多
2018-08-27
453 浏览
呢间餐厅真系劲，佢令我系百忙之中抽出来时间写食评。呢篇系我人生第一篇既食评呀！因为我系呢间健身室既会员，系入会果阵职员送左两张$100优惠券比我，我就系咁认识左呢呢间标榜健康饮食既餐厅。每次入健身房都见到d食物，都觉得好想试架，咁寻晚一黎太大雨，二系太肚饿唔想周围揾饭食，三黎有现金劵，咪捉男友一齐试下啰。我地就叫左一set能量碟同一份吞拿鱼卷。介绍返佢set能量碟，有肉有菜有五谷咁比你自己任意配搭。咁我地就拣左牛肉，再配其他沙律咁啦，餐厅会系餐牌度计晒热量果d都好有心机既，可惜系d职员处理食物既手法真系不敢苟同。沙律都预左系预先包装既倒出黎比我食，但唔知d职员系咪好唔钟意浪费食物定帮公司悭钱呢？一碟$78既餐，竟然比d谢过街市跌落地都唔会卖比人既沙津菜，放上只碟度提供比我食，哗！每条都好似啱啱操完一样咁既状态，我点好意思放佢哋入我口呀，佢地个样咁攰，落到我个肠胃度，唔好话帮我清洁肠道丫，唔食到我疴都要讲声多谢啦！咁我又系衰既，衬人就收工先叫野食，可能就收工唔想开多袋新沙律菜啦！但我真心唔忍心食d咁攰既植物，就拎去柜台同个收银哥哥仔过目，睇下有冇得换过d精神d既植物比我食落肚啦，咁哥哥仔
因为我系呢间健身室既会员，系入会果阵职员送左两张$100优惠券比我，我就系咁认识左呢呢间标榜健康饮食既餐厅。每次入健身房都见到d食物，都觉得好想试架，咁寻晚一黎太大雨，二系太肚饿唔想周围揾饭食，三黎有现金劵，咪捉男友一齐试下啰。
我地就叫左一set能量碟同一份吞拿鱼卷。
介绍返佢set能量碟，有肉有菜有五谷咁比你自己任意配搭。
咁我地就拣左牛肉，再配其他沙律咁啦，餐厅会系餐牌度计晒热量果d都好有心机既，可惜系d职员处理食物既手法真系不敢苟同。
沙律都预左系预先包装既倒出黎比我食，但唔知d职员系咪好唔钟意浪费食物定帮公司悭钱呢？
一碟$78既餐，竟然比d谢过街市跌落地都唔会卖比人既沙津菜，放上只碟度提供比我食，哗！每条都好似啱啱操完一样咁既状态，我点好意思放佢哋入我口呀，佢地个样咁攰，落到我个肠胃度，唔好话帮我清洁肠道丫，唔食到我疴都要讲声多谢啦！
咁我又系衰既，衬人就收工先叫野食，可能就收工唔想开多袋新沙律菜啦！但我真心唔忍心食d咁攰既植物，就拎去柜台同个收银哥哥仔过目，睇下有冇得换过d精神d既植物比我食落肚啦，咁哥哥仔都立刻请厨房职员帮我换。
咁故事就继续啦，我透过半开放既厨房门见到厨师就一手抓起d无精神既植物并移除，再放返d精神好多既出嚟，原来系上碟前，厨师会单手炼一炼再捽碎d植物再潇洒地洒上碟，明晒！
原来碟咁精致既沙律系咁整出黎。
系食得饱既，感觉健康既营养餐，想远离肥胖首选既餐厅。
96 浏览
0 赞好
0 留言
张贴
