牛極 (通菜街)

营业中

休息中

话说人世间最惨嘅事就系…畀人放飞机~喺旺角街头行嚟行去，一条友都唔知食乜，有啲down都系想食啲肉畀番啲正能量自己，上网揾下就决定嚟牛极试一试…其实呢个石烧牛近年喺香港就好hit，不过我都未好正式咁食过，以前石烧牛肉都系属于高级餐厅专有…间shop系女人街入面，一拉开闸门𠮶阵牛肉香味已经即刻攻出来，跟日本方式喺售卖机入钱攞飞坐低等食；因为系试下嘅心态，所以都冇叫佢啲贵价牛肉，牛肩肉眼应该系比较稳阵~起码肉眼唔会系又硬又韧…通常；饭汤沙律都系自助，喺等牛嘅时候先每样攞咗少少畀自己，中规中矩不过不失；无耐牛就已经上枱喇~件牛扒应该本身上嚟系一成熟嘅，因为想咩都试下所以先将半件切开细件整个well done， 牛肉几霖不过牛肉味就唔算好重，有少少筋~但系对得住价钱，讲真茶记啲肉松粉牛扒都要呢个价啦，另外有蒜有个类似韩国辣酱同埋亦都有牛肉汁三样调味可以用，我试完welldone再切少少出嚟整个medium剩低𠮶件晾起佢~留个三成熟，本人觉得medium rare同medium系最夹呢件肉嘅~食完一大嚿肉个人心情都舒畅啲…放飞机算数啦！