Kaffee Jen

营业中

休息中

黎到山景既工厂区，估唔到有间咁chill既日系cafe! 环境虽细，但楼底较高同装修设计上既巧思提升左店面空间感，加上日式木系装潢感觉温暖，平日午餐去几乎满座但唔算迫，都过左一个好悠闲既工作日午餐。毕竟系cafe，菜单选项唔多，以包同甜点为主，品项少先可以做得更完美，menu最吸引我既系蟹肉bagel（$108），唔算平但质素对得住价钱，bagel烟韧唔会过硬，外层烘过微脆，口感很好👍🏻内馅都充满惊喜，满满既蟹肉增添鲜味，牛油果都好新鲜creamy ，仲排成花咁，卖相加分！bagel仲连住一杯沙律，沙律菜好新鲜，个酱都几好食几特别，食落带啲椰子味！饮品叫左冻黑芝麻latte, 相对蟹肉bagel黎讲冇咁有惊喜，味道ok都有芝麻香味，唔太甜。第一啖饮略淡，可能因为啲芝麻酱都沉左喺底，饮之前搅匀较好。整体黎讲，虽然以当区消费黎讲略贵，但见到食物出品同埋悉心布置既环境，充分感受到店主既用心，值得一访。