Café Muse (已結業)

朋友提意去文化中心食饭，喺餐厅门口睇完个餐牌觉得「都系𠮶啲啦」，但当我饮到佢个意大利菜汤，我就即刻对佢改观。佢个意大利菜汤非常浓郁，口感creamy，令我非常满意。朋友叫咗个稳阵嘅茄汁意粉，我试咗啲，唔单止味道好，意粉亦十分弹牙，真令我意外。至于我叫嘅鱼排饭就相形见拙，因为啲饭好快就「生泠钢」，汁量唔足以送饭。不过餐厅服务员好有质数，二话不说就满足咗我要加汁嘅要求。到最后，连杯热奶茶都好得。虽然只系冲到半杯，份量少咗啲，但口感又浓又滑。总括而然，以晚餐每人$100左右嚟计，呢度啲嘢食嘅质素已经系超班之作，日后我都系再嚟，同埋试埋佢个自助餐。