萍姐美食 (已搬遷) 新店位置

系长沙湾附近揾食，因为已经过左夜晚9点，疫情关系无堂食，只可揾外卖，bookmark左呢间就去试下。叫左3串，猪颈肉，鸡翼，同豆卜，小辣，70个大洋。先打电话落单，去到拎得。返到屋企一开盒，外观，首先，佢无水气，即系串烧算干身，呢点好重要，好多串烧舖整嘅好快有水气，过左少少时间食就好似变左就咁煎熟嘅肉而唔系串烧咁，令到串烧无左外脆内软嘅口感。作为一间外卖店，我唔知佢实质整法系点，但佢保持到串烧经过外卖时间洗礼嘅食感，系抵赞。佢全部都用左大量调味粉去调味，孜然粉，辣椒粉等，唔系用蜜糖同酱汁嘅整法，我谂呢个系其中一个保持脆身嘅做法，边种调味合乎口味就见仁见智。我有用气炸锅翻热左几分钟。-鸡翼，仲系外脆内软，有肉汁，好味。-猪颈肉，嗱，呢个呢我就觉得啲肉有少少唔太新鲜嘅味，无左猪颈肉应有嘅油香，但都系外脆内软。-豆卜，超脆，又系不得了。佢全部调味都刚刚好，无过咸，不过小辣就一啲都唔辣。呢间系绝对可以encore。