家上海 (東港城)

营业中

休息中

一向欣赏1957集团餐厅嘅表现，无论出品及服务质素都有一定水平。今个星期二12号，1957终于有其中一个品牌餐厅「家上海」喺将军澳开业，头两天仲有全单6折优惠，即刻约齐家人及朋友共6人到场等位试菜😃餐牌设计非常简洁，左边图画右边菜名，食物品种有好多选择，定价亦唔算太贵，个人觉得算为合理😉因为我地共有6人，亦抱住希望试多啲菜为首要任务，所以食下叫下总共试左13款食物，听落系咪有啲夸张，咁咪证明左一个字👉「掂」🔻小笼包($54)/蟹黄大汤包($40一个)左边果款系脆煎灌汤小笼包，底部有啲似日式煎饺子果啲网底咁，但呢个仲做得出色，煎到好薄好脆 ，先食上面已经觉得汤汁饱满，再成个放入口就会食到个底系几薄脆感觉，真系好野👏；而右上就系传统小笼包，当然一样汤汁饱满不用多说；至于右下嘅蟹黄大汤包，同喺上海食法一样，会俾条饮管你，先吸啜哂啲汁再食埋个包，多汤汁之余蟹黄味好香，真系食唔停😂🔻淮扬五福拼盘拼盘包括海蜇头、肴肉、豆腐、薰鱼及醉鸡，五样都好食，个人认为最出色系肴肉及薰鱼，个酱汁味道非常有水准💪🔻莲香蜜饯火方呢个菜之前喺「香港老饭店」食过，一试难忘，「家上海」个蜜饯加上莲子确实几特别，整体做得好