叉燒大王

营业中

休息中

今日去左沙田围食晚饭，好少有食中餐。不过今日心血来潮， 食下小菜。呢间小菜铺竟然都有几多海鲜。仲要都几平。好小唔系酒楼都有得食龙虾。 不过今日冇试。下次多人黎食可以试下。仲有八宝冬瓜盅， 好想试下， 不过今日得两个人， 食唔晒。叉烧必叫， 好淋， 好香。 啲汁都好味道， 送饭一流。 啲肉唔会太肥， 但系又小小肥， 岩岩好。 招牌菜果然唔简单。门口仲有好多人排队斩料外卖。下次试埋其他烧味。薯仔牛肉粒， 炒得好香， 薯仔够淋。 黑椒唔会太多， 唔会盖左啲牛肉味。 呢排兴黄金煮野， 所以叫下呢啲屋企平时唔会特登开成镬油去煮既炸野啦， 炸得好脆， 个粉够簿， 够干身。 好香口。大圣子， 蒸得岩岩好， 超多蒜容， 好感动。配埋啲粉丝可以食一碗白饭。128蚊竟然有咁大只， 大圣子个大字， 系真架。特登拼只筷子比你地比较。 呢度唔系茶餐厅都有咸柠七， 几好。 除左啤酒 汽水的其他选择。除左小菜， 呢度都照顾单身食客， 有碟头饭。