拉麵達人 (已結業)

听朋友讲， 拉面达人 今个月做紧8折优惠， 衬优惠完之前就黎试一试。小店由门面至室内都用木做装修，好有日本拉面店嘅感觉。店内地方唔大，只有约二十个座位。同朋友大概六点半去到，入面只有两枱客，但坐到七点零，就开始越黎越多人，好彩我地早到。一睇menu, 见到W达人拉面($82) (八折后 $66) 就 流晒口水！上面有一大块火炙厚切叉烧(有时叫 豚角煮) ，二话不说，决定食呢个拉面。朋友话想食特别啲嘅拉面，见到呢个樱花虾达人($88) (八折后 $ 71) 材料非常丰富，有好多海鲜。落咗单之后，见到menu上面写住：如果客人对任何要求，例如：粗面底，拉面嘅软硬度，浓汤或淡汤，加辣等等，都可以同店员讲。由于我同朋友都钟意食硬面，所以立刻同店员讲，要转做硬面，店员都好好礼貌咁立刻帮忙。过咗大约十分钟，香喷喷既拉面就送到喇。先试我点嘅W 达人拉面，汤底用咗清香鲜甜嘅鲣鱼汤同浓厚嘅豚骨汤混合而成，果然味道非常浓郁，每一啖都感受到好香嘅鲣鱼味，但对我黎讲有啲咸咗小小，重口味人士应该好钟意。试完个汤，我忍唔住即刻要试块火炙厚切叉烧！哗！见到叉烧烧到好香，而且肥瘦分明，放入口真系入口即溶！！！ 贪心嘅