素年 (黃埔天地百寶坊)

营业中

休息中

放工相约几个朋友饭聚，其中一个朋友系素食者，决定揾间新派素食餐厅试吓。一入餐厅环境唔错，日式西餐厅装修。坐低后职员马上递上餐牌，虽然选择唔算多，但大家好快就拣到想食嘅嘢。主菜选择了不可能肉酱意大利粉、日式咖喱吉列猪扒、韩式炸酱乌冬甜辣酱炸猴头菇定食、牛油果莎莎夹饼全日早餐，再拣咗几个小食一齐食，包括黄金炸鸡鸡块、盐酥粟米条同黑松露蛋黄酱番薯条。主菜我最钟意不可能肉酱意大利粉，觉得仲好味过平时食开嘅肉酱意大利粉，够晒番茄味，肉酱口感亦好好，完全食唔出系植物肉，而且份量十足，一个人未必食得晒，另外，咖喱吉列猪扒亦好好味，炸得好香脆，唔讲未必估到系植物肉，但韩式炸酱乌冬同埋甜酸酱炸猴头菇就咸咗少少。小食方面，盐酥粟米条够晒出色，每人分得一条真系唔够喉，至于黄金鸡块同番薯条水准亦唔差，够晒香脆。