興記菜館

营业中

休息中

油麻地兴记菜馆嘅煲仔饭不嬲都好出名，今日经过庙街𠮶边当然要试吓，因为而家已经冇咗游客嘅关系，所以位置都好多，坐低我哋就即刻点左润肠滑鸡煲仔饭，腊肠滑鸡煲仔饭，另外我哋再点咗黄金鲜鱿试试。煲仔饭即叫即整，所以我哋都预先知道要等15至20分钟先有得食，首先嚟咗黄金鲜鱿，每一块都沾满左咸蛋黄，虽然淋咗蛋黄，但系依然食到脆口感，咸蛋黄味非常香浓而且完全唔孤寒。等咗一阵终于到咗煲仔饭啦，我哋即刻打开个盖淋上煲仔豉油再焗一阵，我同朋友都交换咗润肠同腊肠嚟试吓，两款腊味都非常香酒味，而鸡件就嫩滑，煲仔饭个底亦都有脆脆嘅饭焦，食得好满足