蝦棧 (已搬遷) 新店位置

以前食过好多次大头虾，啲虾肉都系霉霉地，今次闻名而来，听讲这间虾栈有各式不同的虾煲，材料主要都系大头虾，但系食法就有好多种，今日就点左一个胡椒虾：因为用了胡椒粒去煮，食落有好香胡椒味，亦带点辣味，非常惹味，最重要系今次终于可以食到肉质弹牙的大头虾，虾头仲有好多膏添。火焰雪山焗鲜鱼，其实即系盐焗鲈鱼，上枱之后再用火枪将表皮烧焦，加强其香味，肉质鲜嫩，加点一个泰式辣汁，更能带起其鲜味。蒜蓉炒羽衣甘蓝菜，这个菜系好有营养价值的，之前食的通常是用来整沙律菜，以生食为主，今次这个是热炒的，感觉似食台湾的炒野菜，但因用了上汤去煮，呢个菜即时娈得很鲜甜。黑椒牛仔骨，好入味，连配料洋葱都非常甜！如果以后要再食大头虾，一定会再来呢度食！