川粵時光 (已結業)

铜锣湾新开左v point多左好多野食，几个月前食过同样在v point的韩国炸鸡，今次食川菜/粤菜。呢度小食有好多选择，我地都好多心地点了3份小食。青椒皮蛋系好好食！！系必食呀！开头怕辣，净食皮蛋唔食青椒，皮蛋系入口即溶，oh my god! 原来啲青椒都唔算好辣，加埋皮蛋一起食，系另一食法，都好好味。好味道差啲想再点多一碟😆蒜泥拍青瓜的蒜泥不算多，但个酱汁好香，青瓜好爽口，都好好食。四川豆干相对口味较淡，不过豆味好出。自从吃过星加坡手信咸蛋鱼皮后，爱上了咸蛋黄酱的食物，虽然很邪恶，但未试过食黄金椰菜花，都系叫了一份。呢个黄金酱调得刚好，加上每一颗椰菜花都沾上足够的黄金酱，亦唔会好漏。因为我同朋友都唔系太食到辣，于是点了辣酸菜鲈鱼走辣😜鲈鱼好新鲜，很有咬口。除左鲈鱼，仲有不少菇，以及有啲扁面条，索晒啲汤底好好味。甜品点了红糖冰粉，建议搅一搅匀才吃，因有山楂汁在底，跟冰粉很搭。吃完透心凉，如果在夏天吃更消暑。饮品点了幻彩白桃养生花茶及橙汁，花茶除左卖相好靓外，白桃酸酸甜甜的很好喝。