川府宴 (已結業)

朋友钟意食辣野，同佢嚟试吓呢间川菜!! 凉拌麻辣鱿鱼($69)，鱿鱼爽口小小辣，加上大量葱同芝麻，作为前菜非常之开胃!! 蒜泥白肉($88)，听人讲多食蒜有益，所以我都好钟意食呢道菜，青瓜同肉切到薄薄的一片，一齐放入口再加少少佢嘅酱非常之好味!! 干锅花菜($88)，椰菜花煮得刚刚好爽口鲜甜，加埋啲肉咸咸地一齐食，味道好夹!! 毛血旺($188)，望落去好辣但食落系接受到嘅辣，落左非常多材料，有鸭血猪肠猪肚猪肉木耳等等，最估佢唔到系午餐肉都有，所有内脏都处理得几好，我自己最推介呢道菜，觉得几惹味又抵食!!