家賀屋

铜锣湾日本餐厅，装修新净空间感几大，可以望住繁忙嘅铜锣湾街景。前菜走肴三味，有牛蒡，腌制嘅蒜头及青瓜，开胃一流又送酒。阿邦尾酢橘鸡肾串，劲爽脆有口感。而阿邦酢橘鸡胸脆骨串，脆骨好有嚼劲，边位有鸡肉香。阿邦尾酢橘鸡心串，切开薄薄地一块，特别入味。炸三文鱼皮，香脆得来带点烟靭，特色的送酒菜盐烧金目鲷鱼鲛，外皮焦香，鱼头依然有肉汁，鱼肉细嫩又有油香。彩虹寿司卷，有吞拿鱼，帆立贝，赤贝，左口鱼边，三文鱼及真鲷，各种材料都好新鲜，鱼肉非常鲜味，中间有牛油瓜，口感更香滑。熊本刺身定食，有三种刺身及生虾，每一片都切得好厚身，味道鲜甜，定食仲有沙律，蒸水蛋及面豉汤，非常之丰富。呢度啲啤酒$58一杯，仲要系大杯，适合饮下酒吹吓水。