正潮樓

营业中

休息中

呢间潮州菜馆，系以前公司附近，但就一直冇食过😂，而家调走咗，偏偏又特登走返嚟食，有时人就系咁....。店舖装潢充满中国气息但又带点时尚感，设有厢房、多人大圆枱及四人梳化卡座位🥰。地方阔落，座位舒适，环境干净，灯光明亮，服务细心，令用餐感觉更加良好😍。卤水鹅片 $168 +鹅蛋 +$28无骨鹅片食落啖啖肉，鹅肉味道鲜香，肉质柔软腍滑😋，连接边位带油脂的皮层，油香味四溢🥰。碟底仲有滑捋捋的卤豆腐及卤得非常入味的鹅蛋，蛋味香浓，相当好食🤤。虾枣拼蟹枣 $168两款枣都炸得非常酥香，虾枣🦐爽滑鲜香，加上爽脆的沙葛及香滑的肉碎，令味道更香，口感更加丰富😍。蟹枣🦀充满的蟹肉，鲜香味甜，直接食已经好好味，再加点潮州桔油，甜甜哋又解腻，又系令一番滋味😋。沙茶牛肉炒粿条 $148牛肉质感十分软滑，沙茶酱汁十分香郁，味道微甜带辣🌶，有阵阵的虾干香味，拌匀滑溜的粿条一齐，增添香口惹味😋。咁好食，早知以前嚟食多几次啦😂。