公和荳品廠

营业中

休息中

深水埗系隐世美食天堂，一场嚟到梗系要食下公和豆品啦。佢嘅煎酿豆腐同煎酿豆卜真系好好味，豆味香浓，即整热辣辣。虽然系煎，但又不会过于油腻。而且价钱真系超级抵食。煎酿豆腐上层配上薄薄的酿鱼肉，外表煎得香脆，里面又有好似豆腐花咁滑嘅口感。如果层鱼肉可以再厚啲就更好。至于煎酿豆卜，外皮非常香脆，入边嘅鱼肉又有弹牙口感。另外，见到佢仲有豆腐雪糕都好似好吸引，下次再试。至于座位方面，都系比较挤迫，所以都系快食快走，但环境都尚算干净。