影片
更多
2024-06-29
1557 浏览
早几日约左朋友落兰桂芳摸下酒杯底，临去之前就谂住话不如系附近食少少野先，兜紧圈嘅时候就见到呢间餐厅，记得之前都有食过第二间分店，所以就试吓系咪一样水准。我哋叫左一个油封鸭配格鲁耶尔芝士dinner set，而朋友就拣咗黑松露香煎带子可丽饼。朋友突然心血来潮，额外再加多左份薯条🤣🤣个set嘅沙律好快就上，主调系羽衣甘蓝配黑醋。羽衣甘蓝处理得好好，唔会有阵又苦又腥嘅味，加埋个黑醋汁，开胃到爆！好彩个薯条都好快到左，可以系等紧可丽饼嘅时候过下口瘾！值得一提嘅系个薯条系啱啱炸起热辣辣，佢系偏幼嘅薯条，食完一条又一条食得好快🤣🤣好快两份可丽饼都到左。先讲下我嘅油封鸭配芝士，佢上面放左一只鸭脾，望到已经流哂口水。个鸭肉质结实得嚟唔会好韧，简单嘅调味亦都唔会摭左鸭本身嘅味道，一个字，正！ 之后切开个可丽饼，入面都好足料，啖啖都系鸭肉同芝士，芝士偏咸，配上鸭内丝好夹，同净食只鸭脾又系另一种风味朋友嘅黑松露带子可丽饼上面有煎香左嘅带子，加上黑松露酱，带岀左带子嘅鲜味！而可丽饼入面都有好多带子粒，又系绝不欺场。将个黑松露酱混埋一齐食都好正。最后我dinner set 跟左一杯热奶茶，系茶包奶茶，比起其他西
我哋叫左一个油封鸭配格鲁耶尔芝士dinner set，而朋友就拣咗黑松露香煎带子可丽饼。朋友突然心血来潮，额外再加多左份薯条🤣🤣
个set嘅沙律好快就上，主调系羽衣甘蓝配黑醋。羽衣甘蓝处理得好好，唔会有阵又苦又腥嘅味，加埋个黑醋汁，开胃到爆！好彩个薯条都好快到左，可以系等紧可丽饼嘅时候过下口瘾！
值得一提嘅系个薯条系啱啱炸起热辣辣，佢系偏幼嘅薯条，食完一条又一条食得好快🤣🤣
好快两份可丽饼都到左。先讲下我嘅油封鸭配芝士，佢上面放左一只鸭脾，望到已经流哂口水。个鸭肉质结实得嚟唔会好韧，简单嘅调味亦都唔会摭左鸭本身嘅味道，一个字，正！ 之后切开个可丽饼，入面都好足料，啖啖都系鸭肉同芝士，芝士偏咸，配上鸭内丝好夹，同净食只鸭脾又系另一种风味
朋友嘅黑松露带子可丽饼上面有煎香左嘅带子，加上黑松露酱，带岀左带子嘅鲜味！而可丽饼入面都有好多带子粒，又系绝不欺场。将个黑松露酱混埋一齐食都好正。
最后我dinner set 跟左一杯热奶茶，系茶包奶茶，比起其他西餐厅一个茶胆冲起，可以跟据我饮开嘅浓度自己调教，系一个唔错嘅gesture！
果然呢一间分店都系保持超高嘅水准，下次即使唔系去兰桂芳，去开呢头都可以再帮衬！
张贴
