影片
更多
2023-09-12
44 浏览
本来book左19:00但我同朋友18:15就到左，店员话照入去坐冇问题。先讲环境，墙身画满各种日本浪同浮世绘之类既画，天花一堆金色铁支纵横交错做成一种刀光剑影既效果，一个字，正！Service方面亦都非常好，啲staff全部都好nice，会解析佢地既menu比你听，佢地推荐我地叫两份set，基本系呢间餐厅既食评推荐既菜式个set都有齐，除左个和牛烧我要另外点。个set叫Soul of the Samurai，武士魂哈哈哈！里面菜式如下：柑醋番茄 - 其实就系番茄，不过新鲜，当系refresh下个口同个胃先金砖玉子 - 炸豆腐，本来冇乜特别，但豆腐上面既miso汁令到豆腐变得好好食柚子虎皮渍 - 柚子汁+辣椒+鸡皮，鸡皮出奇弹牙，感觉有啲似食紧带子裙边，但呢个鸡皮明显有鸡油香，成个combination超级正，我地两个都觉得呢味菜最正，送酒一流烧龙虾串 - 一串大概半只龙虾既量，烧得好香，口感饱满烧鸟组合 - 盐烧鸡蚝/汁烧鸡上髀/柚子胡椒鸡上髀，鸡蚝最正，真系好嫩，果然系成只鸡最好食既部位，其它两串都几好，但唔算特别月见免治牛肉/鸡肉棒 - 每样一串，串烧下面有一只生鸡蛋同埋酱油，我
先讲环境，墙身画满各种日本浪同浮世绘之类既画，天花一堆金色铁支纵横交错做成一种刀光剑影既效果，一个字，正！
Service方面亦都非常好，啲staff全部都好nice，会解析佢地既menu比你听，佢地推荐我地叫两份set，基本系呢间餐厅既食评推荐既菜式个set都有齐，除左个和牛烧我要另外点。
个set叫Soul of the Samurai，武士魂哈哈哈！里面菜式如下：
柑醋番茄 - 其实就系番茄，不过新鲜，当系refresh下个口同个胃先
金砖玉子 - 炸豆腐，本来冇乜特别，但豆腐上面既miso汁令到豆腐变得好好食
柚子虎皮渍 - 柚子汁+辣椒+鸡皮，鸡皮出奇弹牙，感觉有啲似食紧带子裙边，但呢个鸡皮明显有鸡油香，成个combination超级正，我地两个都觉得呢味菜最正，送酒一流
烧龙虾串 - 一串大概半只龙虾既量，烧得好香，口感饱满
烧鸟组合 - 盐烧鸡蚝/汁烧鸡上髀/柚子胡椒鸡上髀，鸡蚝最正，真系好嫩，果然系成只鸡最好食既部位，其它两串都几好，但唔算特别
月见免治牛肉/鸡肉棒 - 每样一串，串烧下面有一只生鸡蛋同埋酱油，我朋友食鸡我食牛，我朋友唔食生鸡蛋所以就咁食个鸡串，佢话好juicy亦都几香。我最爱就系生鸡蛋所以完全冇问题，捞匀鸡蛋同酱油然后将牛肉串蘸满蛋汁，系一个好sukiyaki feel既味道，个人就非常钟意
海胆包 - 其实就系紫菜包住海胆然后攞去tempura，味道系唔错既，但实际上因为炸过所以海胆熟左，所以冇海胆刺身咁好食，而且本身个包里面既海胆唔多，所以冇𠮶种一咬落去就爆浆既感觉。如果可以，下次我再帮衬既时候我会同佢地讲，我唔介意加钱，你整个劲多海胆既但海胆又唔会太熟（最好唔熟哈哈哈）既海胆包比我（老实讲，呢道菜真系同自己既expectation有啲落差）
鳗鱼脆脆 - 必食，外面脆皮包住里面既嫩滑鳗鱼，口感一流，点少少mayo食更正，送酒一流
牛汤乌冬/牛汤茶渍饭 - 两块厚切既牛舌+汤乌冬/饭。个汤味道好清淡，不过因为之前食既都系一啲比较油腻既食物，整个淡汤主食反而冇咁腻，至于𠮶两块牛舌，真系煮得好林，几正架
和牛味噌朴叶烧 (单点) - presentation同味道系绝对OK既，打卡必点，但份量比较少，目测大概100g和牛小片，不过系soho食和牛二百几蚊你亦都冇可能要求份量大，味道系好食既，尤其系加埋冬菇同洋葱(已经放埋系牛肉旁边连酱汁一齐烧)一齐食。
甜品 - 一份两粒mochi，一个奶黄馅另一个系绿茶红豆，OK既，唔算好甜，但老实讲，我prefer你比杯雪糕我，最好系抹茶味既哈哈哈
酒 - 每人100ml柚子酒同埋100ml清酒，柚子酒我朋友劲钟意，女生最爱啦！清酒亦都唔错，我朋友未饮过都觉得OK，我自己都觉得唔错，但其实比较想试热饮... 始终食饭既话我比较钟意饮热清酒
唔好睇个套餐每样野好似唔多，全部食晒既话其实系会好饱既，$688p.p系soho有咁既环境同质素其实算reasonable架啦。
最后，非常感谢两位店员，一个系个Filipino妹妹，另一个系个local小肥妹妹，唔知你地既名，但系你地service真系好，you guys made my date really successful😂
See ya later, I'll be back.
张贴