銘興山西刀削麵 (大同新邨) (已搬遷) 新店位置

平时喺屋企都好钟意食刀削面，出街食就真系好少啦，原来都有几多餐厅系主打刀削面嘅。今日去大角咀就系食咗一间刀削面餐厅，佢同我平时自己煮开嘅唔同，佢系主打冷拌或者热拌，即系捞面🤣🤣我哋叫咗好多嘢食，因为Menu太多，花多眼乱，又眼阔肚窄， 最尾试完之后呢，有几个系比较出色嘅第一个一定要嗌嘅系麻辣东坡肉😎😎个麻辣可以俾你拣要咩辣度，而个东坡肉层层肥肉同瘦肉分明，咬落去唔会干争争，因为啖啖都伴随住油香🤤 佢仲要系厚切，一大旧咁食落口，真系人间极品，不过就有个弊病，就系食完好饱😅 佢一碟有三件，我食咗一件已经食唔落喇🙈另一个都非常出色嘅系佢个花雕醉鸡，只鸡嘅骨好细，啲肉好大件，最重要嘅系个师傅唔会切到薄切切，旧旧厚切咁食，真系人生一大享受🥰 佢𠮶只花雕酒唔算好浓，淡淡地，几啱我胃口， 同埋花雕醉鸡系会跟两边糖心蛋，啱晒啲钟意食蛋嘅人士😋另外个拌面真系不错不错，捞埋啲青瓜丝，芝麻酱，花生碎等等，食落口又好夹㖞😆😆下次返屋企都可以自己试吓整，我哋个拌面就叫咗猪颈肉同埋牛筋腩，相对啱啱食嘅醉鸡同埋东坡肉，呢两个反而冇咁出色，不过都系好食嘅，但系前者食落去真系10分大嘅惊喜，所以如果你想试埋呢啲，建议你