SP Flower & Tea Room (太古城中心) (已結業)

之前试过SP Flower 系尖沙嘴嘅分店，好满意佢地嘅食物同服务，只可惜周末去要限时90分钟，坐唔耐。今次试下太古新店，可能位置比较入，唔当眼，所以2点几walk-in都有好多位，员工无话限时，仲有lunch set tim😊我同朋友都叫咗鸡扒，分别系配waffle同包，两款都好味！沙律菜配日式芝麻酱，每片菜都均匀沾上酱汁，唔需要自己捞。跟餐有南瓜汤同咖啡、玫瑰薄荷茶等等餐饮，要转整壶茶可以加$30。我地两个人，入去时无咩人，员工好好咁畀我地坐最入面嘅四人台，只系如果多人，要转返台。最后一直坐到够都唔使转台，好舒服呀！😇最入面嘅位置充满空间感，朋友话有家嘅感觉。