博多拉麵別天神 (已結業)

一直都好喜欢别天神嘅豚骨汤底拉面，估唔到佢嘅分仲店原来开到湾仔都有，难得今晚去会展听音乐会，就开show前食个拉面暖暖胃！七点比较早的关系，等了十分钟就有位，装潢同日本拉面小店很相似，有柠檬水饮，仲有钩喺枱下挂袋用。有两款汤底选择，分别系虾味增拉面和豚骨拉面，木餐牌有日文同中文对照，几有置身日本的感觉。另外，喜欢他的筷子是冇漂白过的木筷子！别天神套餐包括最原始嘅猪骨汤底九州拉面和一款小食，小食可以选择四件日式煎饺子或小龙虾蟹子紫菜沙律。白色浓浓猪骨味汤底，加上九州拉面，偏淋同幼细嘅面条好夹！而且溏心蛋甜度适中，蛋黄好流心。因为偏奶香感觉的汤底太吸引，所以又饮清光😋。仲要有辣芽菜可以伴食，非常开胃！另外小食的四件饺子煎得几金黄脆口，重口味得来，饮番淡猪骨汤中和一下，太正喇！