影片
更多
2017-08-27
119 浏览
我同女朋友系观塘食饭，想食啲冇咁贵嘅晚餐，行行下发现LM cafe，中文名字好得意，叫龙门冰室，所以我哋就入左去。观塘工业区嘅餐厅比我嘅印象都系地方大，LM cafe都系。佢哋食物款式好多，上至蛋包饭，下至窝夫，装修都倾向coffee shop𠮶啲类型，唔似一般嘅茶餐厅。我哋叫左饭同意粉，所以每人都会有一份沙律同一个汤，沙律比较「的骰」，蔬菜加上少少醋，非常开胃。汤方面我哋叫咗罗宋汤，有少少辣，佢地唔会好似有啲餐厅咁汤净系得啲配料冇乜汤，唔错！椒盐鸡翼总共六只，咸味十足，亦炸得香脆。更特别嘅系鸡翼用铁板上。流心奄列饭好抵食，不论鱼柳、蛋同饭既份量都好大，蛋煎得好滑嫩，鱼柳亦炸得恰到好处，脆皮同唔会太粉。意粉嘅份量相比奄列饭就啱啱好啦！😂意粉有弹性，有少少白酒嘅香味，但唔会太强烈。蚬肉都有好多，唔会太咸。topping有小小蔬菜，食落都几清新。 最后饱饱地都要食返个我最钟意嘅朱古力窝夫，结果佢都冇令我失望，窝夫总共有四件，食落脆口，加上雪糕香滑，云呢拿味道好重，食完真系饱到上心口值得一提嘅系入面有live band，食客可以随时点歌，歌手唱歌都好好听。最后埋单＄200左右，食物款式太多，
观塘工业区嘅餐厅比我嘅印象都系地方大，LM cafe都系。佢哋食物款式好多，上至蛋包饭，下至窝夫，装修都倾向coffee shop𠮶啲类型，唔似一般嘅茶餐厅。
我哋叫左饭同意粉，所以每人都会有一份沙律同一个汤，沙律比较「的骰」，蔬菜加上少少醋，非常开胃。汤方面我哋叫咗罗宋汤，有少少辣，佢地唔会好似有啲餐厅咁汤净系得啲配料冇乜汤，唔错！
椒盐鸡翼总共六只，咸味十足，亦炸得香脆。
更特别嘅系鸡翼用铁板上。
流心奄列饭好抵食，不论鱼柳、蛋同饭既份量都好大，蛋煎得好滑嫩，鱼柳亦炸得恰到好处，脆皮同唔会太粉。
意粉嘅份量相比奄列饭就啱啱好啦！😂意粉有弹性，有少少白酒嘅香味，但唔会太强烈。蚬肉都有好多，唔会太咸。topping有小小蔬菜，食落都几清新。
最后饱饱地都要食返个我最钟意嘅朱古力窝夫，结果佢都冇令我失望，窝夫总共有四件，食落脆口，加上雪糕香滑，云呢拿味道好重，食完真系饱到上心口
值得一提嘅系入面有live band，食客可以随时点歌，歌手唱歌都好好听。
最后埋单＄200左右，食物款式太多，一次过试唔晒咁多款，下次一定会再嚟试！
张贴
