為食龍 (已結業)

约朋友食饭想食日本菜，又唔想食普通寿司咁无趣，就去咗中环睇下有咩特别嘢可试！今次嚟到为食龙，每款菜式都觉有特色，而且座位间好阔落，平日行完大馆想食餐好嘅就要bookmark定啦～招牌腐皮寿司弹牙爽口嘅腐皮包住带微醋香嘅寿司饭，可以配搭唔同嘅配料，今次试咗黑松露带子、蟹膏甜虾、明太子芝士蛋黄三文鱼同牛油蒜香赤虾，每款刺身都好鲜甜，调味同食材好夹仲好足料添西雅图鬼妹依款卷物入面有火炙三文鱼腩、牛油果、芝士同青瓜等，口感好丰富，加埋面头嘅香葱同酱汁好惹味鸡软骨饺子鸡软骨加埋肉馅好软腍，煎香咗嘅薄皮饺子好香口，加埋沙律酱啱晒～避风塘单骨鸡翼鸡翼好香辣又炸得好香脆，加埋炒香咗香料好有风味邪恶焦糖脆饼芝士蛋糕芝士蛋糕幼滑唔会痴牙，大爱佢嘅焦糖脆饼饼底同焦糖面，好好食！BEABEA BI-RU依款为食龙限定啤酒，Pale Ale入口有淡淡果味，味道唔苦，尾段散发麦香。