張生記 (已結業)

爸爸生日，决定揾间精美啲既中菜同佢庆祝一下，最后俾张生记个老鸭汤吸引左主要想试佢个老鸭汤，我地点左三潭印月宴，不过店员话龙虾只净两个，我地四个人，转左两个鲍鱼前菜海哲爽口，青瓜新鲜，少少辣好开胃墨鱼肠应该系墨汁墨鱼胶同墨鱼肉整成，食落好香墨鱼味招牌老鸭汤，汤最紧要够热，呢度做得非常好👍🏻，汤好浓味，但唔油腻，仲好多料，有鸭肉、笋丝、花胶、金华火腿，热辣辣但都好快俾我清左，好味，果然系招牌菜用上本地龙虾，虾肉好爽甜，估唔到同麻婆豆腐咁夹，豆腐又滑又有豆香东坡牛肉煮到好腍，牛肉香味同个汁好配合，南瓜饼烟烟韧韧又唔太甜，可以消除肉既油腻感平平无奇既荷塘小炒，估唔到系全晚最惊喜既一道菜，莲藕同豆又嫩又新鲜，加上烟韧芡实，令人食个不停，火候用料一流，超喜爱呢道菜蟹粉小笼包，汤汁好鲜甜，又唔会太重蟹味食唔到肉味，做得好好，可惜一人只有一只，唔够喉酒酿丸子都好出色，桂花清香与酒香，配上蛋白、丸子，为整晚菜式划上完美句号