牛県

营业中

休息中

餐厅四四方方，可以坐三十多人，七点去到已坐满大半。餐厅好贴心，服务相当好，见到我一袋二袋就主动帮我收起又比篮仔放袋，见食完又会即刻比湿纸巾，仲有提供消毒酒精搓手液同熊宝宝喷衫去味。初次食石烧觉得好正，石烧可以自己慢慢去控制肉嘅熟度，觉得够熟就拎起慢慢食。呢到食物质素好高，牛肉味道好浓，而套餐汤沙律饭都系足料，今次二人叫左两份套餐，每人平均$170 。味噌蚬汤比一般饮开嘅浓好多，但味道唔咸，配上蚬关系仲多左鲜味。田园沙律配柚子汁酸酸甜甜好开胃，够哂新鲜清新。薯条 & 饭薯条外脆内实，好有质素。饭仲会有饭素配上，增加咸香味。上腰西冷 (200g) $118比起一般餐厅食西冷扒更厚身，食落牛香味好重。牛侧腹扒 (200g) $128 因为油脂较多，比起西冷，个香味更强，真系 齿颊留香。肉质口感两者相差不大，都系有咬口唔韧。有两款酱汁配上，两者比自己较钟意青酱，味道较清新特别，少左啲油腻感。