影片
更多
2024-05-26
3218 浏览
📍尖沙咀赫德道8A号Mondrian Hong Kong39楼 ✨#Carna By Dario Cecchini @Carna By Dario Cecchini 💰~HKD $5000 / 4人 (Dinner + 有饮酒) ~~~~~~~~~~~~~~~~~~~~~~~~~~~~~~公司嘅project终于完工噜，所以老板决定请我哋team食饭庆功🥳咁啱我一直都bookmark左呢间传说中「世界第一屠夫」嘅扒房🤤所以我哋一行4人就决定左去位于尖沙咀Mondrian Hong Kong嘅「Carna By Dario Cecchini」食庆功宴。 餐厅位于酒店嘅顶楼，喺酒店大门隔离系有一条垂直电梯上去，期间可以观赏尖沙咀嘅景色，上到去餐厅嘅staff会立刻来招待我哋，而入口处已经有welcome drink & snacks 俾客人。我哋嘅位置系正窗边，啱啱好可以饱览维港嘅夜景🌃 想赞一赞餐厅嘅侍应，由我地上到去餐厅嘅一刻开始，都非常有礼热情地招待，每一道菜都会细心介绍，order食物同酒个阵，佢哋都会好有耐心地介绍同俾意见，系服务上完全无野可以挑剔💯~~~~~~~~~~~~食物介
✨#Carna By Dario Cecchini
@Carna By Dario Cecchini
💰~HKD $5000 / 4人 (Dinner + 有饮酒)
~~~~~~~~~~~~~~~~~~~~~~~~~~~~~~
公司嘅project终于完工噜，所以老板决定请我哋team食饭庆功🥳咁啱我一直都bookmark左呢间传说中「世界第一屠夫」嘅扒房🤤所以我哋一行4人就决定左去位于尖沙咀Mondrian Hong Kong嘅「Carna By Dario Cecchini」食庆功宴。 餐厅位于酒店嘅顶楼，喺酒店大门隔离系有一条垂直电梯上去，期间可以观赏尖沙咀嘅景色，上到去餐厅嘅staff会立刻来招待我哋，而入口处已经有welcome drink & snacks 俾客人。我哋嘅位置系正窗边，啱啱好可以饱览维港嘅夜景🌃 想赞一赞餐厅嘅侍应，由我地上到去餐厅嘅一刻开始，都非常有礼热情地招待，每一道菜都会细心介绍，order食物同酒个阵，佢哋都会好有耐心地介绍同俾意见，系服务上完全无野可以挑剔💯
~~~~~~~~~~~~食物介绍~~~~~~~~~~~~
🤩Prosciutto Toscano 24 Months ($268 HKD)
Ham食落好香，但又唔会太油腻同太咸，再配上餐厅自家腌制嘅蜂蜜酸瓜，十分有风味。
🤩Chianti Tartare ($298 HKD)
餐厅staff会推架车仔到客人餐桌前，即席制作他他，期间亦会不停讲解。今次系我第一次食牛肉他他，好有惊喜。首先，食落非常新鲜，一啲腥味都无，同时肉质软嫩得来唔会太肥腻，制作时见到staff并无落好多嘅调味料，都系少许嘅香料，盐，橄榄油同大蒜等等，所以牛肉本身嘅鲜味好突出。
🤩Burrata E Pomodoro Cimelio ($248 HKD)
Burrata cheese喺我每次食意大利菜都必叫嘅一款前菜。呢到嘅Burrata cheese非常清新，唔会太咸同腻，非常开胃。
🤩Bistecca Alla Fiorentina 🥩($1980 HKD)
来到世界第一屠夫嘅扒房，点少得主角牛扒，难得庆功宴，我地一于就叫最贵𠮶款porterhouse。同头先嘅他他一样，staff都会系推住架车仔来到桌前，即席为我地切块牛扒，而切之先，餐厅会好细心地先展示整块未切的牛排同埋帮我地合照。 45日干式熟成嘅澳洲黑安格斯porterhouse，食落肉味浓郁。我地order左五成熟，个熟度都控制得恰到好处。餐厅除左盐之外仲另外提供了五种酱汁选择，包括Béarnaise、绿胡椒、Chimichurri、松露酱和红酒酱，不过我觉得净系落盐已经好足够。
🤩Polpo alla Griglia🐙 ($348 HKD)
呢份系我暂时食过最软嫩嘅八爪鱼，一啲都唔会韧，而且味道鲜甜，调味唔会过重覆盖咗八爪鱼嘅鲜味，另外伴碟嘅蔬菜口味清甜，同八爪鱼搭配一齐食，味道层次丰富。
🤩Tiramisù di Casa ($208 HKD)
最后点少得正宗嘅意大利Tiramisu，份量非常大，足够我哋四个人分享，虽然好大个，但味道一样出色，唔会甜到漏，亦唔会好腻。
~~~~~~~~~~~~~~~~~~~~~~~~~~~~~~
🥩🇮🇹非常高质嘅意大利扒房
💯满分嘅服务
👍绝对会encore再试埋其他食物
💰价钱唔平但值得
张贴
