Saravanaa Bhavan (已搬遷) 新店位置

成日听人讲尖沙咀有好多正宗嘅印度餐厅，我特别想试下印度咖哩，今次终于约到朋友陪我嚟试下！一嚟到睇menu,野食嘅选择多到唔知点拣好，原来印度咖哩同薄饼都有咁多唔同种类。餐厅老板同店员都系印度人，佢地好热情同亲切，见到我地好迷惘唔知食咩好就埋嚟推介我地食咩。佢地推荐我地饮mango lassi，系芒果奶昔，都几好味。另外叫多咗杯masala chass，都几得意，钟意饮酸yogurt嘅朋友可以叫杯嚟试下。薄饼嚟讲主要有dosa, parotta同naan。我地每种薄饼都叫咗一份嚟试，每个set都有一份薄饼同咖哩。Dosa大大份，系最脆同薄，要热辣辣即刻食先正。Parotta同泰式薄饼/葱油饼有d似，系我最钟意食嘅一款，有牛油香味、烟韧嘅程度啱啱好。Naan系偏干身、最烟韧嘅一款，好有咬口。今次体验真系好新鲜，未试过印度野嘅可以嚟试下。