峇里堂

营业中

休息中

成日出街食饭，日本韩国餐成日都食，今次就喺佐敦附近揾食，见到一间好特别嘅餐厅！个名叫做峇里堂，峇里岛就听得多，但系其实都唔系好知道招牌菜系咩，所以就想去一试！餐厅系木系装修，好多窗边位，视野开阳，坐得几舒服！原来系印尼菜，啱晒重口味嘅我！我哋今次就嗌咗几样招牌试试Menu上都有小知识，原来峇里岛系会食猪肉，而大部份印尼地区因为宗教问题系唔食猪肉嘅最吸引我嘅就系呢个双色咖央多士！其中一面应该系落咗竹炭，食落感觉分别不大，不过个样就比较特别，值得一赞嘅系电话落单时，可以选择牛油同酱料嘅多少，怕肥就可以减少酱！即刻冇咁罪恶！满满一层嘅牛油，再连埋甜甜地嘅咖央酱，非常好食！另外我哋仲嗌咗巴东牛肉，系炆得好软腍腍嘅牛腩，满满一碟，净系食肉都够饱！味道偏咸，重香料味，建议可以嗌个白饭中和一下！我哋嗌咗嘅印尼炒饭，冇谂过会辣得咁紧要，因为入面落咗好多辣椒，所以越食越辣！如果唔食得辣嘅话，就要慎点!另外仲嗌咗一个芒果珍多雪糕冰，芒果超甜，整体都不错，不过因为手机落单，冇得拣后上甜品，所以甜品系第一道上菜嘅如果店员可以留心一下上菜先后会更好