豚道樂 (大河道) (已結業)

唔知边位博客曾经写过，同女朋友或者心仪嘅对象食饭，切记去啲一下子食晒嘅地方。例如，日本代表食物之一嘅拉面，一碗嚟到surp一声就食晒，一啲情调都冇。今晚，我哋冇理会呢个劝告，分别嗌咗特上鱼介豚骨拉面同埋特上日本芥末拉面 😝鱼介拉面嘅汤底系睇得出嘅浓郁，配料摆放得仔细，面嘅硬度亦都拿捏得几好。唔会有鱼嘅腥味，叉烧亦都有猪肉香，分量十足。另一碗系要有啲冒险精神先够胆嗌。Wasabi嘅味道相当突出，但亦有少许芝士粉蒜头同埋猪骨汤嘅味道。整体嘅配搭出奇平衡，想转下口味嘅朋友不妨一试。