八月花 (已搬遷) 新店位置

话说今日下午请左半日假，谂住同家人出九龙塘饮餐茶食个午饭啦，点知去到依间八月花见门口都有好几枱人等位我都要等十几二十分钟先入得去。八月花既食物种类都多，小菜及点心都有，其中亦有不少新派中式点心，不过我就只叫左一样。我先俾大家睇下我地叫左啲咩食啦👇大家都见到其实价钱唔平架（小点：26，中点34，大点38，茶芥14/位，前菜：16），不过考虑到地段因素，坐得几舒适（我地坐卡位，张枱好大，梳化亦好宽敞），同埋食物质素佳，整体都值既有点奇特既系，佢干炒牛河同埋蛋白岩米桶仔饭反而上先，其他点心就后上，不过唔紧要，因为佢每道菜都好似即整既，热烘烘的干炒牛河有分大碟及细碟版本，依个系细碟，但有啲后悔，应该叫大碟先岩，因为佢好好食，好够镬气每人食一碗仔已经无左了，真想再叫桶仔饭味道较淡，唔油腻，好健康叉烧包比一般出面茶楼既细啲啲，但内里叉烧够，汁味浓，系好食既叉烧酥亦做得出色，同叉烧包一样，内里叉烧同汁味浓，推荐依味其实我无食啊，不过家人话都好食，软绵绵似的。最后依味酥皮龙虾汤鲜竹卷就系唯一一味我地叫既新派点心见佢送个龙虾汤好得意，先讲鲜竹卷，较出面酒楼比较，皮薄香脆，令整体上无咁油腻，味道就差不多。