餃餃餃子 (已結業)

好多朋友喺鲗鱼涌返工，但系次次都约唔到一齐食饭，今次就约另外既朋友嚟到鲗鱼涌食饭。听过呢间饺子店好耐，但系都未食过，所以今次嚟到试下先。店铺离鲗鱼涌港铁站算几近，２分钟左右就到，都几方便。食物方面可以单点，又有饺子套餐，亦可以将原味饺子加钱转其他口味既饺子。咖哩乌冬，食落乌冬唔会太腍身。鸡肉芝士饺子 ($42/5只) 呢间食店既饺子算系几创新，生姜，鸡肉芝士，明太子薯仔等都有。而呢款鸡肉芝士饺子，芝士味淡不过点番个酱汁都几惹味。饺子三种盛合 ($45/6只)想试多啲款，所以我就叫左呢碟。顾名思义，盛合有三种饺子而每款有两只，包括有海老饺子，日本京都九条葱饺子同埋蘑菇饺子。个人较喜欢海老饺子，即系有虾既饺子，点上盐食，虾都算爽口。shake shake 饺子 ($42)相信大家对shake shake都唔陌生，而我都系贪玩所以叫左。调味粉有鲣鱼同埋栗米浓汤味，我就叫左酱汁牛油味，将调味粉倒落去煎饺到再shake，玩味十足。