千之瀧日本料理 (已搬遷) 新店位置

今日系妈妈生日，本身谂住同佢去附近间德美食个lunch，点知𠮶边满座，而且就黎3pm落场了，所以转场去千之泷，都系想食日本野嘛 入到去只有3台6个人，其实睇得出佢都系做熟客多，师傅有d客倾下计咁。因为人地都就落场，我地就拿拿林拣餐，净系专注睇个午餐餐牌，全部都唔贵，60几70蚊左右。最后我地叫左三文鱼海胆饭同杂锦刺身。碗饭一上黎，份量唔多但都够食嘅。三文鱼算肥美，有6块都算系咁，海胆几鲜甜但份量太少，净系俾得一少pat… 个饭就唔够米香了，亦都只系普通饭，唔系珍珠米。杂锦刺身有4款，另上一碗白饭。刺身食落亦新鲜，不过浅色嘅鱼因为比较淡味，咬落有少少未溶雪。可能同德美有对比，对呢间感觉一般般，未必翻食了。价钱就算抵食，60几蚊有个细前菜、汤同饭，不过有得拣我都系会拣返德美 份量多d，刺身口感都丰富d。