きっとかつ Kitto Katsu

营业中

休息中

今日三个女仔约埋一齐食lunch，喺公司附近揾一间就脚又唔怕路程遥远怕迟返公司嘅；就试吓呢间きっと胜つ。同侍应姐姐问咗两句先至知，原来佢哋开业唔够三个月仲算系一间好新嘅日式餐厅。我哋三个女仔都俾千层吉列猪扒吸引咗，仲要大家都系食咖喱沾乌冬。而饮品就系选择咗三款唔同嘅口味，但系啲名呢就唔系好记得啦。如果女仔嚟讲佢哋嘅份量呢就系十分之足够，甚至乎可能呢系太饱。整体而言食物/饮品嘅造型同埋佢哋嘅味道都系有惊喜嘅。以午市$88 +1服务费呢个状态个人嚟讲其实都系可以接受嘅（跟餐饮品不用加钱）；虽然平时我都系带饭返工嘅比较多。特意在此声明：本人并没有收取上述餐厅之任何餐饮优惠或是特别款待；是次午餐乃全部自费。