潮味莊

营业中

休息中

8月尾初秋次夏，行开油麻地，不如黎个打冷午餐。我们揾到依间潮州菜馆，点咗：蚝饼用左咸鸭蛋做个脆浆，所以蛋味特别浓郁。蚝仔多又大粒，每口都系蚝仔为主，配上胡椒粉和鱼露，超好味😋而且又唔会太油腻，佢哋好有心机做呢～生炸韭菜饺超酥脆香口，咬落爆汁，充满著浓郁嘅韭菜味，猪肉多汁。有惊喜⭐️鲜鸡粥鸡油溶入粥内，好香鸡味呀！鸡肉咸咸哋、配粥好好味。米粒煲到开晒花，口感绵绵，带鸡香，仲有葱粒、芫荽爽口，青香～卤水拼盘超多料，包罗万有：鹅肠 -超爽口又入味猪大肠 - 超入味，洗得干净，肉质弹。粉肠 - 好粉既质感，又重五香卤水味。猪耳 - 好爽脆、肉质弹，充满骨胶原。猪腩肉，肉嫩又带五香味，尤其是肥猪肉部分，口感好得意。墨鱼片，充满墨鱼香。仲有一配料好似纪花蚌，超级爽口🥰点少得红肠，咸咸地好惹味😘仲有吸收晒卤水精华既爽口芽菜。配冰冻啤酒， 超窝心佢哋连杯都雪冻埋。