功德林上海素食 (已結業)

适逢今天朋友系食斋既,本人非素食者,久唔久食下斋菜都唔错.都唔知道沙田有呢间叫做功德林既斋菜馆,听个名都已经好有意思,功德无量.原来间野好旺场,系要订位先有得食,好在朋友预先订但位,6:30去到都仲要等一阵.甘早已经坐满囇人,真系好多人食斋.未食过斋.当然系由朋友发板.莲藕炒脆肉瓜简单清淡,油不多,符合斋菜既要求,但本人就真系觉得无味菠萝咕噜肉,卖相好似,味道反而比猪肉做既更好食,因为真既咕噜肉系好肥既,咬落去啖啖油,每次叫都系因为想食佢甜甜酸酸既汁,今次呢个令我觉得几好食,系我响甘多碟送入面食得最多既.糖醋松子鱼$98外型整得几好,头尾用冬蘑整既,远睇都呃到人,味道就无咕噜肉甘好多.上海炒年榚味道一般,可能因为斋既关系,我觉得好淡系无味既.干煸四季豆.最一个送,香味系有既,食落去都系淡.整体上来讲,个人除佐个咕噜肉系觉得OK既,其他菜都系普通而且淡,中意食斋既朋友认为一般般.因为食物味道不突出同吸引,价钱又偏贵.佢话以前既功德林系几好既,而家水准真系下滑佐不少,不过中意食清淡既朋友都可以一试.