更多
2011-09-23
25 浏览
钟意食肠粉嘅朋友,冇理由唔认识渡船街文英楼”堂记”嘅老板 - 邹师傅。都唔记得几时开始,食过邹师傅嘅肠粉后,才知道原来肠粉系咁好食堂记每晚都几乎座无虚席要食到邹师傅嘅肠粉,起码都要等半个钟,人多的话,至少一个钟虽然大热天时,又冇冷气,但系每晚都有唔少食客系度等食。一直以来,所有肠粉都系邹师傅亲手做,绝不假手于人,十年如一日;钱,我想是赚到的,但邹师傅仍然坚持自己亲手做,亦冇开分店,绝不会为咗赚多一点点,而牺牲食物嘅质素;反而这两年,除咗星期日之外,连星期三都休息,我想邹师傅都希望多一点时间休息吧了。肠粉,最紧要热食,即叫即做,这点绝对难不到邹师傅。皮要簿,皮太厚,就好似食粉皮,食唔到馅嘅味道;皮太簿,易松散,难夹起;邹师傅对于皮嘅厚簿,掌握得非常好,够簿但唔会散;眼见邹师傅将米浆倒系拉布上,用手轻轻一拨,米浆就均匀地铺满成块拉布。要软滑,靠火喉,邹师傅亦完全掌握蒸嘅时间,唔会太短,熟唔透;亦唔会太耐,唔够滑。皮簿之余,仲要馅靓,邹师傅嘅馅料,并唔系什么山珍海错,但胜在够心机和花功夫,每日邹师傅都会预早剁碎所以馅料,所以邹师傅做嘅肠粉,系唔需要花力气去嚼,非常窝心,而且份量唔会预太多,避
都唔记得几时开始,食过邹师傅嘅肠粉后,才知道原来肠粉系咁好食
堂记每晚都几乎座无虚席要食到邹师傅嘅肠粉,起码都要等半个钟,人多的话,至少一个钟虽然大热天时,又冇冷气,但系每晚都有唔少食客系度等食。 一直以来,所有肠粉都系邹师傅亲手做,绝不假手于人,十年如一日;钱,我想是赚到的,但邹师傅仍然坚持自己亲手做,亦冇开分店,绝不会为咗赚多一点点,而牺牲食物嘅质素;反而这两年,除咗星期日之外,连星期三都休息,我想邹师傅都希望多一点时间休息吧了。 肠粉,最紧要热食,即叫即做,这点绝对难不到邹师傅。
皮要簿,皮太厚,就好似食粉皮,食唔到馅嘅味道;皮太簿,易松散,难夹起;邹师傅对于皮嘅厚簿,掌握得非常好,够簿但唔会散;眼见邹师傅将米浆倒系拉布上,用手轻轻一拨,米浆就均匀地铺满成块拉布。
要软滑,靠火喉,邹师傅亦完全掌握蒸嘅时间,唔会太短,熟唔透;亦唔会太耐,唔够滑。
皮簿之余,仲要馅靓,邹师傅嘅馅料,并唔系什么山珍海错,但胜在够心机和花功夫,每日邹师傅都会预早剁碎所以馅料,所以邹师傅做嘅肠粉,系唔需要花力气去嚼,非常窝心,而且份量唔会预太多,避免隔夜,保持新鲜。 至于选择,可以话多,亦可以话少,其实来来去去都系𠮶几种馅料,但系就可以有唔同嘅配搭;我个人就喜欢虾米嘅香味,所以通常都系用虾米做”胆”,再配其他馅料,今日就挑选咗义烧虾米同烧鸭虾米 馅料份量,不多不少,每碟肠粉,有三条,每条再切开三份,刚刚好一啖一份,馅料均匀地布满系九份肠粉入面,每一份都有馅,唔会出现冇馅嘅情况;豉油亦唔会太咸或太甜,与有馅嘅肠粉匹配,唔会有喧宾夺主嘅感觉出现。 除肠粉之外,堂记亦有粥提供,未知是否邹师傅亲自煲,但系当你等紧肠粉嘅时候,食番碗粥,都系一个唔错嘅选择但我个人对于粥就唔太喜欢,所以亦不便评价。
张贴