味苑 (已結業)

今日同男朋友去左湾仔食饭，男朋友突然想食中餐，出左地铁站行无几耐就见到一间中菜馆，男朋友即刻拖左我入去。环境好大好光猛，座位间好宽阔，男朋友即刻点菜啦！脆皮烧腩仔，烧到好卜脆脆呀，外层猪皮位置入口卜卜脆，肉质松化爽口，唔会好肥腻！男朋友秒速清哂一碟呀！虫草花虾滑浸翡翠，虫草花菌味浓香突出，虾滑最岩我心水呀！虾滑爽口弹牙，入口清甜架！汤汁清清地唔油腻，好健康啊！榄角牙签骨，卜卜脆的排骨，咸香软腍，的确够哂惊喜！生煎咸鱼蓉肉饼，咸鱼蓉咸咸地，好吊味，肉饼软腍脆脆地。最后我地加点一个甜酸菜鸭丝炒河。河粉炒到湿湿地，爽口唔会太碎，鸭丝份量够多。